16 نوفمبر 2010

بكاء


كانت دائما قلب الام وعقل الصديق واخلاص الحبيب تبكى لانها لم تسمع صوته تحنو وتفرح لاجله لم تعرف طعم الحب الا معه ولكن كما دائما تعودت عاندها الزمان فعاشت لحظات الفرح متقطعه مليئه بعذاب الحب الذى لم تتأكد بانه حب من الاخر لم تجد سوى كلام بلا افعال فكان الحب عندها عذاب وحيرة ولو سهرت الليالى وحيده فهى دائما تبحث عنه وان لم تجده فتفكر به وان تعبت من مايفعله تذكرت منه كلمه احبك♥♥♥

19 أغسطس 2010

مش عارفه ماالى


مش عارفه مالى ايه بس اللى جرالى
كل اما افرح الاقى نفسى ترجع للاحزان من تانى
حتى الفرح بقا يخاف يدق بابى لاغدر بيه وابكى على اللى فات من زمانى
اقولك ايه بس يازمن ماانت وحدك اللى دارى
وعارف ان الشوق غالب وله الحكم فى حياتى
كل اما اقول خلاص الحب دق بابى
يخدعنى ويجرحنى وارجع للوحده من تانى
مش عارفه مالى ولا ايه اللى جرالى
ياريتك ياقلبى ما عرفت طعم الفرح ولا حتى لثوانى
وكنت اعتدت الجرح ولو من غير سبب وكأنه فانى
طعم الجرح كبير بس لسبب تانى بيكبر جوى القلوب ويعلم فى ثوانى
ولو كان وهم بيتصدق فى عمرى ويبقى فى قلبى ساكن وعايش بوجدانى
مش عارفه مالى ولا ايه اللى جرالى
حتى قلمى رفض يبكى مكانى
وشكا من الامى ودموعى اللى مش مفارقانى
عارفه ان طعم المر فى كلامى
وغصب عنى برجع تانى واشكى لنفسى همى واحزانى
بعيش لحظه ندم وافتح باب الامل لحياتى واحاول اقفل الكراس على اللى فات
وارجع وحده دايما عايشاها وبقلبى حساها ارحم من عذاب الغدر والخيانه اللى بشفهم فى زمانى
اسفه انى رجعت بيأس فى كتاباتى
وانى احيانا مش راضيه عن كل حياتى
واشكى همى واهاتى
واعذب كل من يمر على بيتى
ويقرأ خاطرة من خواطرى
واعذرونى على انقطاعى وعدم ردى
لاسباب نفسيه قد تؤدى الى رفضى للكتابه مره اخرى
لم يعد لى قلما يقدر ان يبكى مثلى او يشكو او يستطع ان يصف مابداخلى
او قد يكن قلمى سببا فى تعاسه من
حولى لعدم اعتياده الكتابه عن الفرح
دومتم بود وسعاده
كل عام وانتم بخير


ليس كل ما يخطوه قلمى هو تعبير عن حياتى

11 يوليو 2010

مسوده


: اقول عندما يصفو ذهنى ويروق بالى ماأحلى الحب فى أيام الربيع حين تتورد البساتين وتزهر الأشجار بآلاء تترنم عليها عصافير العشق فتتجلى صورة حبيبين حبيبان ينشدان أنشودة جميلة تغرد من وراءهم العصافير ويلحن البلبل نغمة حبهما

6 يوليو 2010

ربى ليس لى سواك



ربــــــــــــــــــــــــــــــــــــــــــــــــى
مللت من هذه الحياة
تحاوطنى شكوك وهميه
لا اعلم علاجها
بل سئمت منها
انها تمرضنى وتعذبنى
تسيب بى جر
وحا
لا اعلم مداها
ربــــــــــــــــــــــــــــــــى
بك استجير
اليك الجأ
فلا يريحنى سوى الدعاء
والشكوى اليك
ربـــــــــــــــــــــــــــــــى
فلتجيرنى من عذابى
كن معى
فى روحى
فى قلبى
فى عقلى
اهدنى
ارحمنى
اغفرلى
ربـــــــــــــــــــــى
ليس لى سواك

5 يوليو 2010

ليه يادنيا



ليــــــــــــــــــــــــــــه يادنيــــــــــــــــــــــــا
بالقسوة محوطانا
ومن الفرح منعانا
كل مانق
ول خلاص
نرجع تانى للى فات
ونغرق فى بحر الذكريات
ليــــــــــــــــه يادنيــــــــــــــــــا
معاندانا
وعلى البسمه مش مهنيانا
صبرنا على غلبنا
ورضينا بفراق حبايبنا
ولنا هو ده نصيبا
وبرضو قاسيه علينا
ليـــــــــــــــــه يادنيــــــــــــــــــا

بتحرمينا من بسمتنا
وترمينا فى غربتنا
وتهجرينا فى حياتنا
ليــــــــــــــــــــــــــــــه يا دنيــــــــــــــــــــــــا
يروح فين المسكين فيكى
والقلب الطيب اللى اتعذب فى هواكى
علشان نعيش ونمتع بيكى
لازم نطمع ونستغل كل مافيكى
ليـــــــــــــــــــــــــــــــــــــــــه يادنيـــــــــــــــــــــــــــا

4 يوليو 2010

اه ياقلبى


بتلوم ياقلبى على حبك للى باعوا وغدوروا ونسيوك

اه ياقلبى لو تعرف ايه جوايا

... وقد ايه اتعذب هوايا .

.دمعه تروح وتفارق .

.. ودمعه تيجى وراها وتسابق ...

وحبك فى قلبى مبينتهيش

: اه ياقلبى لا قادر تنسى .

.. ولا قادر تصبر روحك وتقسى ..

وعلى حبك باقى .

. حتى لو كان ذكرى

: اه ياقلبى يامشتاق ..

. ولما تزيد الاشواق .

. تتعذب ف البعاد وتصرخ من الفراق

: اه ياقلبى اه ياقلبى جواك مواجع عايش بنبض ذكرى

: اه ياقلبى فين حبيك

: عايش حياته وناسى قلبك

: اه ياقلبى لما تلومنى وتشتكى

: اه ياقلبى متفكرش فى يوم ف اللى باعك

وتسأل فين حبيبك

: اه ياقلبى

: فين حبيبك

11 يونيو 2010

افعال رجال الشرطه


نقول ايه نقول نقول ... مصر فيها كام ضابط وكام مستشار واقاربهم والوزراء والللصوص الكبار نقول نصف مليون شخص مثلا النصف مليون دول هم مصر وهم مالكى مصر الحقيقيون والباقى حوالى 79 مليون عبيد ولاد كلب مش عبيد فقط الشعب كله فى خدمتهم انا خلاص مش لاقى حل ومعنديش اى امل فى الخلاص من اسيادى ونصيحه لكل العبيد يمشو جنب الحيط وكفايه ان اسيادهم سمحو لهم بالعيش على ارض مصر خلاص والله ما عندى اى امل يئست من كل شى تزوير انتخابات سحل وقتل للناس قوانين طوارى معيشه مرتفعه ربنا ياخدنا نحن ال 79 مليون ويريح اهل مصر الحقيقيون مننا قولو امين .......

قصه مقتل الشهيد خالد على يد ضابط شرطه وعدد من المخبرين ....

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.

19 مايو 2010

لا اعلم


وحشتووووووووووووونى
وحشتنى مدونتى اوى اوى اوى
مش عارفه ليه حاسه انى مفتقداها جدا ونفسى ارجع زى زمان اشاركم وتشاركونى
بجد فى حاله يأس فظيع ولا مبالاة بالدنيا
خوف من اخر سنه فى الكليه
ولا زهق وملل بحس بيه
ولا رهبه من المستقبل ولا تجاهل لافكارى وانى احس باللى حواليا
واعرف اخبارهم واقرأ ماتكتبه عقولهم
اغيب اغيب اغيب
وارجع احس بندم واشتياق لكل شىء كان
لا اعلم
قد تكون حيرة بدون اراده
انشغال فى الحياة بدون وعى
تفكير دائم شاغلنى عن كل شىء
كسل متواصل يصبنى بالخمول الفكرى
لا اعلم
ولكن مااعلمه اننى سوف اتواجد دائما
ولكن حين تستقر نفسى
ويهدأ عقلى عن غضبه المفرط
فكل ما هو محيط بى
يسير عصبيتى ويغضبنى احيانا
اغصب بدون اسباب
اتعصب لاتفه الامور
لا اعلم
قد اكون ايقنت اننى بالفعل فقدت احلامى
ترى هل سارجع انا كما كنت انا
اين احلامى اللى طالما اسعى اليها
لا اعلم
لا اعلم

2 مايو 2010

التمثيل بجسه المصرى بلبنان

والده «قتيل لبنان»: قضيت ١٠ ساعات محتجزة وأنا أسمع أصوات التمثيل بجثته

كتب جمعة حمدالله وهشام علام ومصطفى المرصفاوى ٢/ ٥/ ٢٠١٠
تصوير- أحمد المصرى
خالة القتيل تشير بصورته

قال السفير حسام زكى، المتحدث الرسمى باسم وزارة الخارجية، إن أحمد أبوالغيط، وزير الخارجية، كلف السفارة المصرية فى بيروت بإجراء اتصالات عاجلة مع السلطات اللبنانية المعنية، لضمان إعمال قواعد القانون، وملاحقة المسؤولين عن حادث مقتل الشاب المصرى محمد سليم مسلم (٣٨ عاماً)، الذى تم التمثيل بجثته على أيدى أهالى قرية كترمايا اللبنانية.

وأشار زكى إلى أن الجانب المصرى يتطلع إلى قيام الحكومة اللبنانية باتخاذ الإجراءات اللازمة، وأن الخارجية تعرب عن أسفها واستنكارها للحادث، وأنها تدين فى الوقت نفسه جريمة القتل البشعة التى راح ضحيتها ٤ أعضاء من الأسرة اللبنانية.

وقالت والدة الضحية إنها ظلت محتجزة فى المنزل لمدة ١٠ ساعات خوفا من بطش الأهالى، وأنها كانت تسمع بالخارج أصوات أهالى القرية وهم يقتلون ابنها ويمثلون بجثته، وأضافت، فى اتصال هاتفى مع «المصرى اليوم» من لبنان، أن قضية الاغتصاب المتهم فيها ابنها «ملفقة».

وكشف مصدر أمنى بجهاز الأمن الداخلى اللبنانى عن أن جهة التحقيق لم تفلح فى الحصول على أى اعترافات من المشتبه فيه محمد سليم، لافتا إلى أن والدة الفتاتين اللتين تم قتلهما، أصرت على اتهام أحد الأشخاص الذى سبق أن هددها بقتلهما.


20 أبريل 2010

ياترى ايه العلاقه؟؟


حاولت كثيرا ان ابعد فكرى عن مايسمى بالصمت الجارح

او الصمت بوجه عام

ولكن احيانا يتغلب على هذا الاحساس بقسوة

قد يجلب معه احساس بالاكتئاب

ولكن سريعا مااراجع نفسى

واستحضر قلبى وبسمه عينى
حتى لا اكنن سببا فى تعاسه نفسى

وحزن من حولى

واحيانا يصل الامر للغضب الشديد

الذى يفيض على من يحيطون بى

ولكن يكون لا اراديا

ولحب من حولى لى فانهم يتحملون مابى

ومايمر على بين وقت ضيق واخر

هل هناك علاقه بصمت الانسان وما يحمله القلب؟

ام انها حاله ملل وضيق وكره للتحدث

وكره للواقع

هل يكن فراغ بالحياة

ام اشتياق وفراق وبعد

اما تختلف حالات الصمت عن بعضها

هل للصمت انواع؟

اعلم انه يتدرج للاصعب احيانا

وقد ينتهى

ولكن هل هناك انواع للصمت؟

ترى هل الحزن فقط سبب للصمت؟

هل يجوز ان الفرح يكون سببا للصمت؟

اعتقد انه لا علاقه للصمت بالفرح

فهما متناقضين بل متنافرين

مدى خطورة الصمت

احساس صعب لما تحس الحياة فارغه

ولا يسودها غير الصمت

والاكره بالحياة قول كلمه صمت

اكرها حقيقه

اكرها قولا وفعلا

بالرغم ااننى احيانا اعيشها

ترى هل الصمت راحه؟

ام مرض والم نفسى؟؟


9 أبريل 2010

الاشتياق


وووووووووووووووووووووووووووحشتوووووووووووووووووونى
اوووووووووووووووووووووووى
يااحلى مدونين
مع انى باكتب بس ياريت فى وقت اسيف على الجهاز
ولا فى وقت اشاركم واتعلم منكم
اعذرونى والله بحبكم كلكم
واحب اقرا احساسك واهاتكم
وافرح لفرحتكم
بالرغم انى مااعرفش كتير
بس بجد بجد باشتلق لكل حرف منكم
ووووووحشتووووووووووونى
سلامى وتحياتى لكم
ويارب تكونوا كلكم بخير وبصحه

25 مارس 2010

الشرود



اظل شارده

لا اشعر بالحزن ولا اشعر بالفرح

بداخلى شعور باللاشعور

كيف هذا ؟ لا اعلم

لكن يغمرنى احساس باللامبالاة بما احسه

او عدم فهم وادراك احساسى

كل ماا ادركه هو اننى شارده

انظر على اشياء ولكنى لا ارها

او حتى اننى شارده فى التفكير

اننى لا افكر ايضا

كل ما احسه

ان جسدى بدأ يقشعر

وكان هناك موجه من البرد

تمر بقلبى فينتفض

ومن قسوة البروده ان عيناى تدمعان

ولكنى عندما افيق اجد ان الجو معتدل

بل مشمس ولا يوجد هناك برد

اصبح هذا شعور متكرر يتخلل نفسى

قد يأتى معه تفكير وتأنيب للضمير

ومحاسبه النفس

12 مارس 2010

صمتى


احزان,الالام,بكاء دائم
صرخات واشجان ,
كم بقى فى العمر للاحلام
كم لدى من ايام للعيش
لا املك سوى قلمى ينزف بالكلمات
حتى تكون وسيله للنسيان
نسيان ماضى
نسيان حاضر لم اعشه
نسيان مستقبل غامض ملامحه
مازال الالم يصرخ جوايا
(ليه كل حاجه حلوة عمرها قصير ليه كل شىء فى عيون دايما بيتغير)
اكيد دا احساس جوايا دايما عيشاه
وكرهت بسببه الحياة
الم يغدو بالصراخ بداخلى
جرح كنت احسبه سيشفى قريبا
ولكنى وجدته عذاب دائم بلا انقطاع
انك تتوه ومتعرفش انت مين
والدنيا رايحه بيك على فين
لما اسأل نفسى عامله ايه؟
ترد تقولى : عايشه
ياترى عايشه حزينه ولا سعيده
اهو عايشه والسلام موج يودينا وموج يجبنا
مرة فوق ومرة تحت
يعنى عامله ايه فى حياتك
اهى ماشيه
طيب ايه اخر اخبارك
نو نيو يااختى
طب ماتحاولى تعملى جديد فى حياتك
هاعمل ايه يعنى
اى حاجه جددى نشاطك
والنبى انتى رايقه اقعدى ساكته
فى ايه بس مالك طيب
احكى لى
مفيش حاسه ان فى شىء ناقصنى
ازاى يعنى
مش عارفه
حاسه زى مابيقولوا
انا مش عارفنى
باتوه وسط الدروب
كملى كملى ..
اهو فى شىء جوايا بخاف من الفرح
اتعودت ان فرحى مش بيكمل
بالرغم من ان البسمه لا تفارق وجهى
الا انه بداخلى الم لا يفارقنى
لا اعلم ما مصدره
فلا املك سوى الصمت
اخماد قلبى
الهائه باحوال غيرى
صمتى
صمتى يتحدث عنى
يشكو لقلبى همى
يحكى للزمن قصتى
يكون لى صديق فى غربتى
سند لى فى دنيتى
صمتى يتحدث عنى
يكون سبب فرحه
عندما اتذكر مايسعدنى
يكون الما وجرحا
عند افكر فيما يحمله قلبى
ياااااااااااااه يا نفسى
دا كله فيكى
طيب ايه السبب
ولا دا طبع جواكى
ولا حزن عيشتيه ومأثر فيكى
اكيد فى سبب مخبياه
وحمل شيلاه
لاء
لاء
لن املك سوى ان اصمت
واقل
اه
ويظل كل شىء بقلبى
لن ازيد هموم من حولى
باحزان بداخلى
قد تكون تفاهات لا يحسوها
كما احسستها انا
الم فراق
الم غربه وسط الاحباب
الم وحده وشكوى للحيطان
مين يسمع ندايا
ومحدش حاسس باللى جوايا
......................
..............
.......
للحديث بقيه
اتمنى مكونش نكدت عليكم بتهييس
وتخاريف قررت اكتبها
قد تكون مبالغه
قد تكون حقيقه
او جزء من الحقيقه




9 مارس 2010

متغير ليه عليه
كفايه اللى عملته فيه
جاى تعاتب قلبى وتولم كمان عليه
حبيبى
انا كل ليك
قرب بس شويه
حبيى
انت اللى ليا
ارحم عذابى
تجرح قلبى
وتدوس على حبى
وجى تعاتبنى
ازاى انا هونت عليك
بسهوله تجرحنى باديك
متغير ليه عليه
بعد اللى عملته فيه
انا بقلبى مسامحه
وحبك بقلبى هيبقى
حبيبى

3 مارس 2010

اختلافات

كتير مختلفين
تيارات واتحادات
اسرة واحده
بيت واحد
مفكك من جواه
لمين راى
وسياسه
ياترى دا بقا طبيعى ولا لاء
ناس بتهتف وتقول فلسطين
وفداكى يااقصى
وتقول يلا للجهاد
افتحوا لنا باب الجهاد
طلبه ومحتارين
فيهم افكار وبيسعوا للتغيير
وشباب تانيه وافقين ومبلمين
اغانى وحورات
افكار واشتغلات
خلييك كووول ومتخننقناش
ودماغهم ازاى يمشى مع الموضه
تقولش الموضه هطير ولا ايه
ولا ازاى اوقف شعرى وابقى سبايسى
وشباب عايش وخلاص واقف وبيتابع الاحداث
خايف يدخل هناك فيينداس
وخايف من السبايسى
ليضيع وسط الناس
ياترى انهى فكر صح
امشى مع الموضه
ولا اروح مع التعصب والتغير
ولا اقف مبلم ومش اغير
حيرة وكله فى عالم غير التانى

28 فبراير 2010

فى حيرة ياقلبى



سنين فاتت عليا وقلبي علي حاله . . ولابنساه ولا قادرة اني اصفاله


بحبه لكني شايلة في قلبي منه كتير . . ونفسي اقوله اني لحبه محتاجة


وفي حاجز بيمنعني وميت حاجة . . عشان دة جرحني بغرامه وجرحه كبير


وساعات كتير بحتاج للمسة من اديه . . واشتاق لحضنه ونظرة واحدة من عنيه


وانا رغم دة برجع وبقول مش راجعة ليه .. علشان بخاف ضعفي يبان ويحس بيه


ماقدرش اتحمل في يوم اصعب عليه . . انا عندي اموت ولااني اعيش اللحظة دي


يجيبو في سيرته وقلبي يحن جوايا . . وبحلم يبقي في للبعد دة نهاية


لامني نسيته ولامني بعيش وياه . . لايمكن غيره يسكن جوة احضان


يبموت من الشوق وعزة نفسي منعاني . . اروحله واقوله ان انا لسة بستناه


نفسى اكون جمبك


واشيل عنك همك


واكون سند ليك


وقلبى يضمك


وانسى الحياة وانا فى قلبك


وغصب عنى بابعد عنك


وفى قراراى برجع وازيد همك


قدامك قلبى بيدوب فيك


وعقلى واقف عليك


ولو هربت بس انا اكون معاك


اكون معاك


: بارجع واختار بعدك


ويكونى همى فى نسيانك:


سامحنى ياملاك


هابعد تانى


بس مش هنساك


حبيتك ولسه بحبك:


وهاجى فى يوم اترجاك:


نهايه مكتوبه على بدايه حبى لحبك


جتنى تانى بعد سنين فى بعادك


وقلبى لسه ضعيف اوى قدامك


لعارف يقول اكرر بعادك


ولا قادر يهرب من عنيك


جوايا خوف محاوطنى بحبك


وقلبى مسلم مفتيحه لقلبك


وووووووووو

26 فبراير 2010

يافرحه ماتمت

فرحت فى الاول وانبسطت اوى
لكن فوجئت بتكمله الكلام صدمنى فى البدايه
بس بعد كده قلت الحمدلله
انى عديت من الترم ده ونجحت صافى
اصل بينى وبينكم دكاترة فلسفه
مالهمش امان وفعلا اوقات اوقات
بيقلبوا علينا بس برضو طيبين مش اظلمهم
المهم انا كنت زعلانه لانى لاول مرة كنت هاجيب
تقدير جيد جدا وطبعا فى اخر سنه ليا كان هينفعنى مع الترم التانى
وادعى بقا على اللى ادانى ماده ضعيف
ضيع عليه التقدير
واعاتب نفسى بقا واهرى وانكت
اه يااخواتى مش كنت ركزت
اه ياااااااانى اولع فى روحى يعنى
وهاتك يا لوم وعتاب

المهم ادور مين اللى ادانى ضعيف وضيع عليه التقدير
الاقيها دكتورة كانت طول السنه مش عاجبناها
وحلفت انها هتسقط الدفعه كلها
طيب نعمل ايه؟؟
يهديكى يرضيكى
ابحاث طيب امتحانات شفوى
ابدا ولا يمكن مصممه اننا مش نافعين وهتسقطنا
وفعلا فوجئت ان معظم الدفعه جايبه مادتها ضعيف وفيه
اللى شايل الماده
احمدك يارب
احمدك يارب
انها جت على قد ضعيف
ومش شلتها
بس ليه تعمل كده
طبعا بمزاجها
هى خسرانه حاجه
اللى يعيد يعيد واهلنا اللى بيصرفوا
وحمل تقيل عليهم
واللى تعب علشان يجيب تقدير حلو
ياعينى
يعنى احنا تحت سيطرة مزاجهم
اللى جزها مدايقها وتيجى تفش غلها فينا
واللى ابنى مزعله يجى يطنط علينا
انا مش باعيب فيهم
بس باعيب اسلوب معانا
زعلانه اه ان ضاع عليه التقدير بسبب الماده دى
بس بحمد ربنا انى عديت بخير
بس تعبنا بجد
ولا السنه اللى فات اللى مش بياخد درس
فى السنتر اللى المستر بيتعامل معاه
هيشيل الماده
دا غير الواجب اللى لازم نوديه السنتر
ورجعونا للاعدادى تانى
المدرس يدى العيال درجات وحشه ويستقصدهم
علشان يروحوا ياخدوا عنده
يانهااااااار دا تعليم ولا ايه ده
هو اللى حصل بجد فى الدنيا
واه يافرحه ماتمت
بس الحمد لله

23 فبراير 2010

اخيرااااااااااا لووووووووولوووووووولى


هييييييييييييييييييييييييييييييه
اخيراااااااااااااااااااااااااااااااا
نجحت نجحت نجحت
ياااااااااااااااااااا احلى مدونين
لووووووووووووووووولووووووووووووووووى

13 فبراير 2010

ياميت ندامه...

ياميت ندامه

ويالف خسارة

وياحسرة على الثقه اللى بتضيع هدر

غدرت والغدر طبع فيك

وانا بطيبه قلبى مسلمه

خونت والخيانه فى دمك

وبعقلى وروحى مسلمه

اتصدمت كتير فيك ووجعت قلبى بحيرة عليك

ولحظه كنت فيها واثقه فيك

لابس قناع وعامل شريف وصاحب مبادىء

وانت اصلك ومن جواك من غير اخلاق

صاحب زيف وكلام كتير مالوش معنى

ولا رابط يجمعنا

صدقت وصدقت انك طيب وباخلاقك مسامح

وللخير بتسعى

كدبت وضحكت على ناس كتير وعامل للحب والاخوة ميت معنى

صدقنى مش هابكى ولا اندم عليك

لان اللى زيك دمع عينى خسارة فيك

اتكشفت حقيقتك

قناع مزيف يخدع كثير ونجهله فاشخاص يمثلوا امامنا ملايكه

وهم اكتر من الشياطين

10 فبراير 2010


حبيبى ......



قربك هنا وامان
..........


وفى بعدك يضيع الاطمئنان
....


قلبى يدق يدق فى حنان
...........


لسماع صوتك تسكن الانام
........


لاحساس نفسك تكون الاحلام
.........


فى قولته اه منك تهد جبال
.....


جوى قلبى تصحى وتذوب الالام والاحزان
.......


بس ده اكيد احساس مش من زمان
.....


قرب لى ونسيت معاه الاهل والجيران
.........


فى حبه احلى عذاب للفنان .....



وفى بعده اكبر احساس للفرقان .........


وفى قربه سعاده للوجدان



بس دا كان وهم وضاع فى وسط الاحلام ........


حلم واندفن من غير اى سلام

7 فبراير 2010

(دويتوووووووو) اه واه واه من الفراق لما يتفرقوا الاحباب


هو::: انا مفارق ..وفى حبك انا دايب

هى:: مفارق وفى حبى دايب !!

هو :: مش بايدى غصب عنى

هى:: تبيع حبى وتختار بعدى ومش بايدك
ازاى انا هونت عليك تكسر قلبى باديك

هو:: ارحمى بعدى انا ماليش حياه بعدك

هى :: كنت نايم وصحيت
كنت حلم وبقيت ....... واه

هو:: مش بايدى غصب عنى
سعادتك اهم منى

هى : امشى بعيد عنى
ارحم كفايه قلبى

هو:: حبيتك ولحبك انا باقى
وحياتك عند ابقى

هى:: ابعد عنى وسبنى
دموعى اقوى منى

هو:: دموعك نار فى قلبى
وحلمك هو حلمى
غصب عنى مش بايدى
اختار سعادتك مش سعادتى
ولحياتك ابقى ذكرى

هى: من صعفى منك انا مسامحه
وبقلبى الجرح هيبقى

4 فبراير 2010

لماذا؟؟؟


بأحب ابص ليها

واتأمل فيها

واكلمها عن الحزن اللى بيها

واتأثر بيها

وتسيل دموعى عليها

عيناى

لماذا كلما انظر اليكى

فى المراه

ارى بداخلك حزن

اهو حزن بكى طبيعه

ام حزنى انا فطره

اجدك دائما كلما انظر اليكى

بداخلك دموع محتبسه وتنتظرنى

ان اتأمل فيكى لتنهارى

وتبكى بحرقه.....

لماذا ؟؟

اشعر اننى سبب فى كل ما يحدث اليكى

اعاتب نفسى والومها بما اجهدتك به

امرى ليس بيدى

وحزنى بقلبى يأبى

يأبى الخروج والحديث عنه

فأنتى من تتحدثين

وترفضين مايحدث لكى

اجابتك بالرفض هى دموعك

فرحتك هى دموعك

وتأملك دموع

اهى مناطك للاستسلام

ام تعبير كما اظن انا عن ارادتك

ماذا؟ ماذا افعل لأراكى سعيده

كلما انظر اليكى

احس انكى تزيدين همى

وتعاتبينى عما بكى من حزن

لماذا؟

كم الحزن بداخلك

لمعه دموع محتبسه

لماذا؟


ـــــــــــــــــــــــــــــــــــــــــــــــــــــــــــــــــــــــ

دعيت لك رب الكون

وسوقت عليكى الاولياء

ومن دكتور لدكتور احتاروا فى وصف الادويه

استعملت علشانك النظارات

وجربت فيكى القطرات

واخره زهقى جبت ليكى عدسات

ومنك وبسبك بطلت حتى النظرات

اشكى واحكى عنك

واقولك

يانن عينى

ايه فيكى

وليه دايما دموع بيكى

هلاوووس سخونيه

يوم بقا ولا ايام الحرب العالميه

قبل ليله من الامتحان اللى عليه

الاقى نفسى سخنه وهاموت من السخونيه

نار تاكل عقلى والتهييس يشتغل ميه ميه

وشفتى بلون الدم تفرحنى

وخدود من الاحمرار تبهرنى

تفاحه انا فى تعبى

ولكن هزيانى يرهقنى

تأبى ان تبصر عيناى

وكلامى يضحك من حولى

كأننى بالنكت ملقيه

اتصبب عرقا

واشعر بالبروده مرتجفه

القى كلمات لاء معنى لها

امى تحدثنى ان تحضر لى ليمون

وانا اجبها هتروحى السوق

ابى يقيس درجه حرارتى بيده

وانا اسأله اهناك شىء على جبينى

ام ماذا

كل مهموم على وانا بالسخونيه مستسخرة

ومضحكه من حولى فلا ادرى بماذا اتحدث

اخبرت ابى فى ذلك الوقت

انا عايزة مصروف؟

تضحك امى مستسخرة

وابى يأبى الرد عليه

2 فبراير 2010

اه ياقلبى


اه ياقلبى من قوله اه
اه ياقلبى من حلم بتتمناه
اه من قسوة حبايبنا علينا
اه من حب بيغدر بينا
اه من اللى خان وظلم
اه ياقلبى فيك جروح بتعلم
اه من دمع عنينا
لما يشوفها اللى غدر بينا
اه ياقلبى من قوله اه
اه ياقلبى من حب بتتمناه
قلب يضمك ويحن عليك
ووقت الشده يكون سند ليك
ويمسح دمع عنيك
اه ياقلبى من قوله اه
اه ياقلبى من حب بتتمناه
لما تلاقى الدنيا سعاده
والفرح بقا عاده
اه اه اه ياقلبى
جواك مواجع
وحب مفارق ومش راجع
اه ياقلبى من قوله اه
اه ياقلبى من حب بتتمناه
ليه الفراق بقا بابنا
والجراح بقا طريقنا
اه ياقلبى من قوله اه

31 يناير 2010

والله وفرحتونا

مش هاقول ولا اعيد
مصر غيرها مفيش
واووووووووووووو حسن شحاته يامعلم
انا فرحانه اووى اوووووى
وخاصه لما شفت المعلم بيبكى وبياخد ولاده فى حضنه
مصر ادب وجدعنه
واه يانى يانى يانى وغانا مش هتلعب تانى
هههههههههههههههههههههههههههه

29 يناير 2010

اووووووووووو اووووووووووف

I'm very sick, we have to go to the doctor and I hate doctors and medicine
What do I do?
اوووووووووووووو
البرد ولوز وباكرة المضاد الحيوى
اوووووووووووووف
دعواتكم ليا يا احلى مدونين
احتمال اغيب شويه بعد مااخلص امتحان
ربنا يستر شكل اللوز هتطول المرة دى وبتقولى ياانا ياانتى