19 أغسطس، 2010

مش عارفه ماالى


مش عارفه مالى ايه بس اللى جرالى
كل اما افرح الاقى نفسى ترجع للاحزان من تانى
حتى الفرح بقا يخاف يدق بابى لاغدر بيه وابكى على اللى فات من زمانى
اقولك ايه بس يازمن ماانت وحدك اللى دارى
وعارف ان الشوق غالب وله الحكم فى حياتى
كل اما اقول خلاص الحب دق بابى
يخدعنى ويجرحنى وارجع للوحده من تانى
مش عارفه مالى ولا ايه اللى جرالى
ياريتك ياقلبى ما عرفت طعم الفرح ولا حتى لثوانى
وكنت اعتدت الجرح ولو من غير سبب وكأنه فانى
طعم الجرح كبير بس لسبب تانى بيكبر جوى القلوب ويعلم فى ثوانى
ولو كان وهم بيتصدق فى عمرى ويبقى فى قلبى ساكن وعايش بوجدانى
مش عارفه مالى ولا ايه اللى جرالى
حتى قلمى رفض يبكى مكانى
وشكا من الامى ودموعى اللى مش مفارقانى
عارفه ان طعم المر فى كلامى
وغصب عنى برجع تانى واشكى لنفسى همى واحزانى
بعيش لحظه ندم وافتح باب الامل لحياتى واحاول اقفل الكراس على اللى فات
وارجع وحده دايما عايشاها وبقلبى حساها ارحم من عذاب الغدر والخيانه اللى بشفهم فى زمانى
اسفه انى رجعت بيأس فى كتاباتى
وانى احيانا مش راضيه عن كل حياتى
واشكى همى واهاتى
واعذب كل من يمر على بيتى
ويقرأ خاطرة من خواطرى
واعذرونى على انقطاعى وعدم ردى
لاسباب نفسيه قد تؤدى الى رفضى للكتابه مره اخرى
لم يعد لى قلما يقدر ان يبكى مثلى او يشكو او يستطع ان يصف مابداخلى
او قد يكن قلمى سببا فى تعاسه من
حولى لعدم اعتياده الكتابه عن الفرح
دومتم بود وسعاده
كل عام وانتم بخير


ليس كل ما يخطوه قلمى هو تعبير عن حياتى

هناك 25 تعليقًا:

  1. ايمى

    كل عام وانت بخير قلبى

    رمضان كريم


    كلاماتك راقت لى


    برغم الدموع والاهات والتساؤلات


    كلنا بنمر بنفس الحاله


    بس ياريت تعرفى ان كلامات الحزن هى الابقى


    والاكثر شعبيه


    وهى ما تسكن فى الزاكرة


    اما سبب انقطاعك فمرفوض


    لاننا نستمتع بهمسك الرائع


    لست وحدك فى العالم هناك قلوب تحبك


    وتتوق لهمسك فلا تحرميها منه


    تحياتى

    ردحذف
  2. السلام عليكم
    كلماتك جميله رغم كل الحزن اللى فيها ويارب زى مابتقولى ان االلى بتكتبيه مش بيعبر عنك

    كل سنه اونتى طيبه
    دمتى بخير
    زهراء

    ردحذف
  3. أزيك ياايمى
    كلامك صعب جدا جدا وأحساسك عالى جدا
    رغم الحزن والجرح بس تعبيرك عن احاسيس بنعشها كل يوم وهنعشها على طول

    يسلم قلمك وعقلك وقلبك

    تفبلى تحياتى
    محمد التركى

    ردحذف
  4. اولاا كل سنة وانتى طيبة

    شوفى الجرح دة حاجة طبعية فى حياة كل انسان

    الاهم لاتبطلى كتابة عشان هيا المتنفس الوحيد لنا

    تحياتى

    ردحذف
  5. جايدا العزيزى
    وانتى طيبه ياحبى
    اجمل شىء انك تحس ان فى قلوب بتسمعك
    وبتقف جنبك وتكون سند فى كتاباتك
    فتحسى انك فى ناس بتسمعلك
    يسعدنى مرورك ومشاركتك دائما
    احبك فى الله
    تحياتى وحبى

    ردحذف
  6. زهراء
    ربنا يخليكى ياقمرايه
    وكل سنه وانتى بخير وسعاده
    مش عارفه مالى ههههههههههه
    اظن انه مش كل اللى فى قلبى
    واظن انه جزء من اللى جوايا
    تحياتى وحبى

    ردحذف
  7. محمد التركى
    الحمدلله على كل شىء
    فعلا دا زمن وحياة بنعشها
    تسلم يارب
    سعيده بمرورك
    تحياتى وتقديرى

    ردحذف
  8. يوميات راجل مش عايز يجوز
    وانت طيب وبخير
    دى حياة كل انسان يوم فرح ويوم حزن
    ربنا معانا
    اظن انها ساعه غضب ووزقت لما بحتاج اعبر عن اللى جوايا باكتب
    فعلا مقدرش استغنى عنها
    شرفنى مرورك
    تحياتى وتقديرى

    ردحذف
  9. كل سنة و انتى طيبة

    اول بوست لأجى أقراه كده

    لالا متحوليش تفكرى تبطلى تكتبى

    صدقينى انا فى اوقات كتير كنت كدة و كنت هبطل اكتب فى المدونة بس قولت طب و الناس اللى بعزهم و بيعزونى

    لالا ممكن تخدى زى هدنة كام يوم و تكتبى تانى

    مش هتقدرى تبعدى صدقينى

    ربنا معاكى و يبعد عنك كل ضيق

    تحياتى

    رمضاااان كريييييم (:

    ردحذف
  10. رامى
    وانت طيب وبخير يارب
    سعيده بمرورك
    فعلا مش قادرة ابطل كتابه
    كل اما اقعد مع نفسى
    بارجع اكتب تانى
    انا قررت اكتير ابعد
    لان بحس انها مش ليها فايده
    بس كفايه فعلا انها بتريحنى
    الله اكرم
    تحياتى وتقديرى

    ردحذف
  11. ازيك يا جميل

    احساسك صعب اوي بس انا حساه

    لاني فعلا كتير اوي بحس بالاحاسيس دي

    بس بحاول على قد ما اقدر اني ما استسلمش ليه

    حولي ماتستسلميش ليه وخليكي معانا

    تحياتي

    ردحذف
  12. كلام من قلبى
    سعيده بمرورك وتعليقك
    فعلا احساس صعب انك تبقى فى حاله يأس
    او مفيش فايده من اى حاجه بتعمليها
    ممتخافيش مفيش استسلام
    لانى مش هقدر بحن انى اكتب حتى لو كل شهر مرة
    تحياتى وحبى
    وكل سنه وانتى طيبه ياقمرايه

    ردحذف
  13. الحزن موجود بقلوب الكل

    لكن الشاطر اللي يعرف يروحه

    كلماتك معبره

    تحياتي

    ردحذف
  14. عجبنى كلامك اوى وحاسس انه طالع من قلبك بس فكيها شويه كدا صدقينى الدنيا جميله ...على فكره انارسام وعارف ان حضرتك بتحبى الرسم ياريت بقى تشرفينى على مدونتى الصغنونه وكل سنه وانتى طيبه

    ردحذف
  15. katkoota
    عندك حق
    بس مش معنى كلامى ان الحزن مسيطر عليا
    بالعكس انا شخصيه تانيه غير اللى بكتبها
    يعنى اه بكتب حزن
    بس البسمه مش بتفارقنى
    والشاطر اللى يغلب ضحكه على دمعه
    اكيد
    تحياتى وحبى

    ردحذف
  16. jounes
    ميرسى اوى لكلامك واحساسك
    ويسعدنى ازور مدونتك فعلا بحب الرسم
    بس انا مش شايفه الدنيا وحشه
    انا شايفه الناس مخليناها وحشه
    تحياتى وتقديرى

    ردحذف
  17. كل سنه وانتم طيبين
    انا صاحب مدونه هنا السناهره واتمني زيارتي وابداء ارائكم في مواضيعي وشكراااااااا

    ردحذف
  18. ازيك زهرة اخبارك اية


    كل سنة وانتى طيبة



    معلشى الانسان معرض كل وثت لااى حاجة المهم نكون اقوى من اى حاجة لو حتى نحاول

    ردحذف
  19. ربنا يوفقك ويكرمك


    مع خالص تحياتى

    ردحذف
  20. مدونه هنا الساهرة
    يسعدنى مرورك
    ان شاء الله يتم التواصل
    تحياتى

    ردحذف
  21. تامر نبيل
    كلامك صح اصل الدنيا زى المرجيحه
    مرة تطلعنا فوق كأننا ف السماء
    ومرة تنزلنا تحت ف الارض
    بس الامل اننا لازم نقول ونستمر فى الحياة
    اننا ممكن نطلع فوق تانى
    وقت صعب اوزى الاحساس باليأس ده
    كل سنه وانت طيب
    تحياتى وتقديرى

    ردحذف
  22. عيدى حساباتك
    ارجعلنا تانى
    قل لن يصيبنا الا ماكتبه الله لنا
    لازم نكون جامدين
    امال لو انت مش شرقيه بقى هههههه
    اكيد لازم اقابلك :)

    ردحذف
  23. دموع القمر
    متخافيش انا موجوده ومستمرة
    واكيد يشؤفنى طبعا
    ياريت نتقابل
    تحياتى وحبى

    ردحذف
  24. كلامك يقطع القلب والله يا ايمي

    بجد اثر فيا اوي

    ربنا مايجيب حاجه وحشه

    ردحذف
  25. بالامل نعيش علاش كل هذا الحزن وانت مع جميع احبابك
    رؤوف

    ردحذف

قول اللى فى قلبك