12 مارس، 2010

صمتى


احزان,الالام,بكاء دائم
صرخات واشجان ,
كم بقى فى العمر للاحلام
كم لدى من ايام للعيش
لا املك سوى قلمى ينزف بالكلمات
حتى تكون وسيله للنسيان
نسيان ماضى
نسيان حاضر لم اعشه
نسيان مستقبل غامض ملامحه
مازال الالم يصرخ جوايا
(ليه كل حاجه حلوة عمرها قصير ليه كل شىء فى عيون دايما بيتغير)
اكيد دا احساس جوايا دايما عيشاه
وكرهت بسببه الحياة
الم يغدو بالصراخ بداخلى
جرح كنت احسبه سيشفى قريبا
ولكنى وجدته عذاب دائم بلا انقطاع
انك تتوه ومتعرفش انت مين
والدنيا رايحه بيك على فين
لما اسأل نفسى عامله ايه؟
ترد تقولى : عايشه
ياترى عايشه حزينه ولا سعيده
اهو عايشه والسلام موج يودينا وموج يجبنا
مرة فوق ومرة تحت
يعنى عامله ايه فى حياتك
اهى ماشيه
طيب ايه اخر اخبارك
نو نيو يااختى
طب ماتحاولى تعملى جديد فى حياتك
هاعمل ايه يعنى
اى حاجه جددى نشاطك
والنبى انتى رايقه اقعدى ساكته
فى ايه بس مالك طيب
احكى لى
مفيش حاسه ان فى شىء ناقصنى
ازاى يعنى
مش عارفه
حاسه زى مابيقولوا
انا مش عارفنى
باتوه وسط الدروب
كملى كملى ..
اهو فى شىء جوايا بخاف من الفرح
اتعودت ان فرحى مش بيكمل
بالرغم من ان البسمه لا تفارق وجهى
الا انه بداخلى الم لا يفارقنى
لا اعلم ما مصدره
فلا املك سوى الصمت
اخماد قلبى
الهائه باحوال غيرى
صمتى
صمتى يتحدث عنى
يشكو لقلبى همى
يحكى للزمن قصتى
يكون لى صديق فى غربتى
سند لى فى دنيتى
صمتى يتحدث عنى
يكون سبب فرحه
عندما اتذكر مايسعدنى
يكون الما وجرحا
عند افكر فيما يحمله قلبى
ياااااااااااااه يا نفسى
دا كله فيكى
طيب ايه السبب
ولا دا طبع جواكى
ولا حزن عيشتيه ومأثر فيكى
اكيد فى سبب مخبياه
وحمل شيلاه
لاء
لاء
لن املك سوى ان اصمت
واقل
اه
ويظل كل شىء بقلبى
لن ازيد هموم من حولى
باحزان بداخلى
قد تكون تفاهات لا يحسوها
كما احسستها انا
الم فراق
الم غربه وسط الاحباب
الم وحده وشكوى للحيطان
مين يسمع ندايا
ومحدش حاسس باللى جوايا
......................
..............
.......
للحديث بقيه
اتمنى مكونش نكدت عليكم بتهييس
وتخاريف قررت اكتبها
قد تكون مبالغه
قد تكون حقيقه
او جزء من الحقيقه




هناك 37 تعليقًا:

  1. احساس بيصادف الناس كتير لو فرحانة تخاف الفرحة حد يخطفها منها لو حزينة لاتعلم الى متى وكيفية الخروج من دائرة الحزن

    بس الحياة كدة لاحلو دايم ولاحزن ايضا ولولا وجود الحزن ما كنا علمنا للسعادة وجود

    ربنا يوفقك ويكرمك

    مع خالص تحياتى

    ردحذف
  2. ايمي يا قمراااااااااايه

    حلو قوي كلامك وحوارك مع نفسك جميل جدا بالرغم ان كله صمت
    حلو قوي بجد احساسك بالرغم من حزنه وشجنه فهو جميل جدا ويارب مايكون كلامك ده جزء ولو بسيط من حياتك بس تعرفي بجد من الصعوبات اللي بنواجهها ونكون مجبرين عليها أوقات كتير اننا نضحك أو نرسم مجرد بسمه علي وجوهنا وجوانا ألم كبير ومحدش حاسس بيه

    تسلمي بجد علي كلامك ويسلم قلمك
    كل حبي وحبي وتمنياتي بكل السعاده

    ردحذف
  3. جرح كنت احسبه سيشفى قريبا
    ولكنى وجدته عذاب دائم بلا انقطاع

    ـــــــــــــــــــــ

    انا حسيت اوى بالكلمتين دول وبجد اثروا فيا جدا

    كل الناس بتقول ان كل جرح وليه دوا

    بس بجد فيه جروح مالهاش دوا وبتفضل ملازمانا طول العمر للاسف

    ردحذف
  4. لا يوجد جرح بلا دواء
    فلم يخلق الله داء الا وخلق له الدواء
    فهونى على نفسك

    ردحذف
  5. ياااااااه كل ده ...

    بجد انا دمعت تقريبا ...

    احساسك كتير حلو يمكن عشان اكتره حقيقه
    او حاساه جواكى ...
    عارفه واصعب احساس لما تحسى بشى جواكى مضايقك
    وماتعرفى ايش هو بالضبط ...

    ربنا يسعدك ياكوكو ياعسل وبجد انتى بسمه حلوه
    وفضفى معانا زى ماتحبى كلنا بنسمع حتى لو كانت تخارف ... بس اهم شى ترتاحى ...

    بجد بحبك اوووووى يااحلى كوكو ...
    ... ;) ,,, ;) ...

    ردحذف
  6. لا املك سوى قلمى ينزف بالكلمات
    احيانا يكون الصمت افضل من الكلام
    ربنا يوفقك
    بجد كلامك مؤثر
    تحياتى يا عسل

    ردحذف
  7. لا احنا كلنا واخدين علي النكد متقلقيش من الناحية دي... بس اسمعي مني نصيحة نيكدي قديم...
    احلي حاجة انك تطنشيه... تتجاهلي الحزن والخوف... وكل المشاعر السلبية... هتلاقي الدنيا احلي بكتييييير...

    ردحذف
  8. ايمى ... ميمو
    يارب تكونى بخير

    لأ منكديش علينا ولا حاجة.. فضفضى زى ما انتى عايزة...المدونات معمولة عشان كدة

    بس عايزة أقولك.... نسيان الماضى ماشى ربما يكون مؤلم بس برده بنفضل حاطينه قدام عينينا عشان نتعلم من أخطأنا
    نسيان الحاضر ..خلينا نقول تجاهله أو عدم التفكير فيه حتى يتغير ويصير كما نهوى

    انما نسيان المستقبل .. ده بقى كارثة وده الدمار بعينه هيبقى لا ماضى ولا حاضر ولا مستقبل
    ده الواحد كا ما يحصله حاجة يقول "غدا يوم جديد" لما يسقط اليوم الجديد كمان من الذاكرة نبقى كدة خلاص هنموت

    حلو التعبير عن المشاعر ده .. كأنك أطلقت ليها العنان وهيه كتبت نفسها بنفسها
    التعبير عن المشاعر وخصوصا الحزين منها يقلل هذا الحزن وربما يمحيه
    خالص حبى وتقديرى

    ردحذف
  9. تامر نبيل
    كلامك صح لولا طعم الحزن مكناش عرفنا طعم السعاده
    بس كتر الحزن فى القلب بيمنع عننا السعاده يعنى بتبقى سعاده ناقصه ...
    تحياتى

    ردحذف
  10. فرفورة حبيبتى
    مفيش حد الايام دى معصوم من وجود الحزن فى حياته
    حتى لو بايده بس تصدقى بقا ضرورى
    وفعلا صعب اوى تضحكى وبداخلك اكبر الهموم
    انا بابقى كده ياااااااااه قمه الضحك يبقى فى حاجه مزعلانى
    هههههههههههههه ماتعرفيش عبط ولا ايه
    بس متخافيش عليه ياقمرايه انا تمام الحمد لله
    مع خالص حبى وحبى

    ردحذف
  11. ريمان
    شرفنى مرورك ياقمرايه
    فى جروح مالهاش دواء ممكن تكون خفت فى الظاهر
    بس الم بيبقى جوانا
    زى اللى اتحرق وخف بس الم انه اتشوه
    ومبقاش زى الاول ...ده الاثر بتاعه
    زى زى الم النفس ذكرى اليمه دايما بيفضل حزنها جوانا
    مع خالص حبى وحبى

    ردحذف
  12. blue wave
    الا جرح النفس والقلوب مالوش دواء
    طبعا ربنا قادر على كل شىء وبحكمته
    انه قادر يمحى كل الجروح
    كله بالايمان والصبر
    تحياتى

    ردحذف
  13. غاده حبيبتى
    سلامه قلبك ياقمر
    مش عايزة اكون سبب فى لحظه حزن بيكى
    او دموع ترغرغ بعنيكى
    ربنا يخليكى ليا يارب
    والله انا كمان بحبك اوى
    يااحلى دودو

    ردحذف
  14. :) QŁp 7āZēŋ
    ميرسى ليك اوى
    بس يمكن لانك حستها فحستها مؤثرة
    اتمنى تكون عجبتكم
    تحياتى

    ردحذف
  15. سمع هوص
    نورتنى والله
    بس ايه نكدى قديم ده
    ههههههههههههههه انا نكديه دايما فى اللى بكتبه
    بس باكره النكد يكون طبع فى حياتى
    تحياتى

    ردحذف
  16. شيماء
    مش اقصد نسيان مستقبل
    بس يأس وخوف انه مجهول قدامك
    مهما تتخططى له بيطلع عكس
    ماانتى متصوراه
    وماليه تعاسه كل اما يعدى يوم
    بتحسى انك بتخسرى
    وانك بتفقدى نسبه الامل جواكى
    زى ماتقولى مستقبل مجهول ملامحه
    لا قادرة تغيريه
    ولا قادره تحطى رجليكى عليه
    زى المركب من غير ربان
    وزى ماقولت تخاريف قلم
    بيصرخ مما يراه
    يمكن تكون راحه للنفس
    وكلكم اصدقاء وبحبكم
    وبحب اتكلم معاكم
    ربنا يخليكم يارب
    مع خالص حبى وحبى

    ردحذف
  17. ليه كل حاجه حلوة عمرها قصير ليه كل شىء فى عيون دايما بيتغير

    عجبتنى اوى الجملة دى و فكرتنى باغنية لشرين

    فعلا دى حقيقة بس لا اعتقد ان حد قدر يفسرها

    ردحذف
  18. ليه كل حاجه حلوة عمرها قصير ليه كل شىء فى عيون دايما بيتغير

    عجبتنى اوى الجملة دى و فكرتنى باغنية لشرين

    فعلا دى حقيقة بس لا اعتقد ان حد قدر يفسرها

    ردحذف
  19. السلام عليكم ورحمه الله وبركاته
    الأخت العزيزه صاحبه المدونه الجميله والرائعه/ ايمى
    أنا سعيد جدا جدا جدا بمرورى على مدونتك التى أبهرتنى
    وأستمتعت جدا بكلامك الجميل المؤثر
    اللى وصل ودخل القلب والوجدان والاحساس
    (لا املك سوى قلمى ينزف بالكلمات
    حتى تكون وسيله للنسيان) رائع كلامك
    خلتينى أفتكرت أيام نفسى أنساها بحلوها ومورها وجرحها
    أنساها بكل طعم فيها
    خلتينى أفكر فى المستقبل وأفتكر الماضى
    بصراحه أنتى أنسانه مشاعرك جميله
    تقبلى مرورى ولو تسمحى يكون فى تواصل مابنا أنشاء الله
    ودى أول مرة أزور مدونتك وليا الشرف طبعا

    ودى وتقديرى واحترامى ليكى

    ردحذف
  20. tears
    ميرسى ليكى ياحبيبتى
    دا واقع بعيشه
    وفعلا دى جمله من اغنيه شرين
    وانا حطاها بين قويسين
    نها مش تأليفى دا اقتباس بس خطر فى بالى
    وانا باكتب
    تحياتى ياقمرايه

    ردحذف
  21. محمد التركى
    ميرسى ليك اوى
    انا مبسوطه ان المدونه عجبتك وحسيت بالكلام اللى فيها
    وان شاء الله يتم التواصل
    ويشرفنى زيارتك الدائمه
    تحياتى

    ردحذف
  22. الله يوفقك ويسعدك حبيبتي ايمي كلامك رقيق ومميز

    انارالله قلبك ودربك

    ردحذف
  23. روقى كدة وإستعيذى بالله من الشيطان الرجيم .. والحمد لله على كل حال .. مهما حصل للإنسان فهو احسن من غيره كتييييييييييييييير .. الحمد لله .. مش وحش إنك تعبرى عن نفسك .. أهم حاجة إنك بالتعبير ده تخففى عن نفسك إنما ماتحوليش تزودى همومك .. ربنا يفرج عننا همومنا كلنا يارب

    ردحذف
  24. ايمي حبيبة قلبي ..........
    واحشاني موت و الله و بجد نفسي اكلمك اوي يا حبيبتي

    و بجد لا نكدتي و لا حاجة
    لانه بجد كلام النفس ده بحس انه مفيد اوي

    كتير من الناس كانت بتحسب ان اللي بيكلم نفسه ده مجنون
    مع انه في الحقيقة لازم كلنا نكلم نفسنا و نعرف هنروح فين و لامتى هنعيش و لامتهى هنقاوم الحياة الصعبة

    ربنا يخليكي يا ايمي يا رب
    و شكرا على الكلام الجميل ده

    خالص حبي و حبي و تقديري

    ردحذف
  25. ياه كل دة جواكى وساكتة ؟؟انا بجد حسيت انك بتحكى عن حاجات بردو جوايا

    ربنا يفرحك يارب
    انا بجد اتاثرت جدا بكلامك
    وزعلت معاكى بس حاولى تطلعى اللى جواكى كله يمكن ترتاحى ولو ان ساعات الكلام بردو مبيريحش
    افتكرى ناس حبتك افتكرى لحظات حلوة عشتيها ولو حتى كانت قصيرة


    قولى كل اللى جواكى محدش هيتدايئ ابدا
    اتمنى اقرالك قريب عن افراح كتير تملى خياتك
    متابعاكى انا دايما واتنمنى التواصل دايما معاكى يا قمر

    مساءك ورد

    ردحذف
  26. الله ما اجمل صمتك

    كم انت رائعه حين تصمتين

    وكم انتى بليغه عندما لا تقولين شياً

    ولكن ما هذا الحزن وما تلك المسحه من الياس التى تغلف كلماتك

    وبرغم الحزن وبرغم الالم الذى يكسن بين احرف كلامتك
    الا انى استمتعت جداً باسلوبك الجميل

    ولا يسعنى الا ان ادعوا الله ان يبدلم سعاده تملاء قلبك وبسمات تنير وجنتيك


    تحياتى

    ردحذف
  27. كلماتك وصلت لقلوبنا بسهولة .. إحساسك عميق وفيه فلسفة بالحياة والإنسان .. سعدت بمرورى .. وفقك الله

    ردحذف
  28. كلاماتك حلوة اوى
    وتدخل القلب
    بجد انتى حساسه ورائعه

    ردحذف
  29. ربنا يارب يبعد عنك الاحزان يا ايمي ويجعك دايما سعيده

    ردحذف
  30. وحشتوووونى اوى يااحلى مدونين
    اسفه على تأخيرى فى الرد
    بس بجد اعذرونى
    الدراسه بقا وبكسل اعلق بس انا بقرأ بوستاتكم
    واسفه على ردى الجماعى
    راندا الجنوبيه
    ربنا يخليكى ياقمرايه
    ام بوبه ست الكل اللى اتمنى بجد اعرفها عن قريب
    متخافيش عليه انا دايما باحمد ربنا الحمد لله بس كلام تنفيس مش اكتر
    مع حبى وحبى
    موووووووووها حبيتى بجد وحشتينى اوى اوى
    نيفين
    بجد مبسوطه بزيارتك وتعليقك ويمكن انتى حسيتى كلامى لانه من القلب فيدخل القلب وتعبير الحزن طبع فى الشعب المصرى بيميل لحبه والعيش فيه بالرغم من المه
    مع خالص حبى
    momken
    الصمت جميل بس المه اكبر على صاحبه
    شرفنى مرورك
    تحياتى
    sabry abo omr
    ميرسى ليك اوى
    انا اسعد بمروك وتشريفك
    تحياتى

    همس الاحساس
    من اسمك قلت اكيد هتحسينى
    هههههههههه سعيده بمرورك ياقمر
    اكيد انتى احساسك رائع فحسيتى انى رائعه
    بس انا مش كده
    ربنا يخليكى يارب
    مع خالص حبى وتقديرى

    ردحذف
  31. صمت المشاع
    ميرسى ليكى
    ربنا يخليكى يارب
    تحياتى

    ردحذف
  32. مش عارفة لية انت كدة حزينة
    مش هقولك اضحكي علي نفسك
    لكن بايديكي انك تسعدي نفسك
    كلماتك محتاجة تفرح بيكي وبنفسها حاولي انك تسعديها

    ردحذف
  33. شكراااااا على مدونتك الرائعة

    ردحذف
  34. المشاعر دايما بتكون كويسة عشانا ، اليابانين عندهم مبدأ مش فاكر اسمه فيما معناه شوف الحاجة اللي مزعلاك وتلاشها مش مهم الوقت المهم التغيير ، ارجو إن يصبح همك فرح ، وحزنك مرح ، ويشارك الجميع في أوقات الخير وأوقات الطرح .

    ردحذف
  35. مازال الالم يصرخ جوايا
    (ليه كل حاجه حلوة عمرها قصير ليه كل شىء فى عيون دايما بيتغير)
    يا سلاااااااااام ده بيصر بصوت حماده هلال

    ردحذف
  36. اسالى مجرب لسة كان هيج ويسيب العالم هههههههه


    خليكى اخر رووووووووووووووقان

    ردحذف

قول اللى فى قلبك