20 أبريل 2010

ياترى ايه العلاقه؟؟


حاولت كثيرا ان ابعد فكرى عن مايسمى بالصمت الجارح

او الصمت بوجه عام

ولكن احيانا يتغلب على هذا الاحساس بقسوة

قد يجلب معه احساس بالاكتئاب

ولكن سريعا مااراجع نفسى

واستحضر قلبى وبسمه عينى
حتى لا اكنن سببا فى تعاسه نفسى

وحزن من حولى

واحيانا يصل الامر للغضب الشديد

الذى يفيض على من يحيطون بى

ولكن يكون لا اراديا

ولحب من حولى لى فانهم يتحملون مابى

ومايمر على بين وقت ضيق واخر

هل هناك علاقه بصمت الانسان وما يحمله القلب؟

ام انها حاله ملل وضيق وكره للتحدث

وكره للواقع

هل يكن فراغ بالحياة

ام اشتياق وفراق وبعد

اما تختلف حالات الصمت عن بعضها

هل للصمت انواع؟

اعلم انه يتدرج للاصعب احيانا

وقد ينتهى

ولكن هل هناك انواع للصمت؟

ترى هل الحزن فقط سبب للصمت؟

هل يجوز ان الفرح يكون سببا للصمت؟

اعتقد انه لا علاقه للصمت بالفرح

فهما متناقضين بل متنافرين

مدى خطورة الصمت

احساس صعب لما تحس الحياة فارغه

ولا يسودها غير الصمت

والاكره بالحياة قول كلمه صمت

اكرها حقيقه

اكرها قولا وفعلا

بالرغم ااننى احيانا اعيشها

ترى هل الصمت راحه؟

ام مرض والم نفسى؟؟


هناك 26 تعليقًا:

  1. ايمي اخيرا طلعتي من قوقعتك و كتبتي
    بس عايزة رايي يا ريتك ما كتبتي و الله

    لانك وجعتي قلبي زيادة و انتي عارفة ليه
    و انتي عارفة اننا اتكلمنا في الموضوع ده
    و قفلنا و انا مش مطمنة عليكي اصلا

    و لما قرات البوست ده تعبت اكتر
    بجد يا ايمي انا كنت بزعق و ابهدل اللي بيكتبوا في الحزن باستمرار
    لا يا ايمي ارجوكي ما تخليش الحالة دي تسيطر عليكي

    الصمت حلو في مواقف و وحش في مواقف تانية

    بس على فكرة الصمت بيخلي الناس تفكر صح و تعيد حساباتها في حياتها
    مش شرط يكون كآبة و حزن و انكسار

    سيبك من الصمت
    و مادام كتبتي و اتكلمتي يبقى اكيد هتخرجي من حيطان الصمت اللي حواليكي

    و ارجع و اقولك يا ايمي عيشي حياتك يا ايمي انتي روحتي فين و لا جيتي منين يا بنتي ؟؟؟
    لسة بدري عليكي اوي

    بحبك اوي و الله يا اختي الصغيرة
    و افتكري اني جنبك علطول وقت ما تحتاجيني

    خالص حبي و حبي و تقديري
    و فرفشي بقى
    فرفش و ظغطط كده

    اموااااااااااااه

    ردحذف
  2. مالك بس يا معلم

    الصمت يجي مع الفرح مظنش صعب اوي

    الا لو حصلت حاجه مش متوقعه خالص ساعتها ممكن الواحد يتفاجيء ويسكت

    انما معتقدش ان السكوت او الصمت بيكون غير انه يكون كتمان والكتمان بيجب زهق للواحد
    انما لو قدر يفضفض ويطلع اللي جواه ساعتها اكيد هيرتاح شويه هو صحيح مش هيرتاح اوي انما هيفك عن نفسه شويه

    اضحكي يا ايمان انتي يا بنتي اجمل ما عندك خفه دمك وروحك الحلوه
    وافتكر انك قولتيلي انك مبتحبيش تتكلمي مع حد لما تكوني متضايقه بس بكفايه مينفعش لازم تلاقي حد قريب وانتي ليكي صحباتك دردشي معاهم وفكي عن نفسك واخرجي معاهم واتهوي شوييتين وهتبقي زي البمب

    ردحذف
  3. ألصمت فى ذاته فلسفه
    بس مش اى حد يقدر يفسر فلسفه الصمت دى

    ردحذف
  4. اختى الغالية

    لم يكن يوما الحزن سبب للصمت

    لكن قد يكون الانطوائيه وهى تبع الشخصيه


    لكن احيانا الحزن احيانا يجعلنا نصمت لنتأمل ونفكر


    ربنا يسعدك يا قلبى


    وبجد سعيدة انا كمااااااااااان لانك من بلدى يا قمر

    ردحذف
  5. فعلا الصمت ماشى اكتر مع الحزن
    اصل الواحد اما بيبقى فرحان بيبقى عمال يتكلم كتير عشان يعبر عن فرحه

    بس انا عايزاكى مش تستسلمى للصمت و لا الحزن
    لانهم بيجيبوا حزن اكتر
    حاولى تتكلمى عشان تفضى اللى جواكى و ترجعى ايمى السكره اللى نعرفها

    ردحذف
  6. تختلف العالقات وتبقي شخصية الفرد هي التي تطغي علي اتصاله بالأخرين إلا في حالات مثل حزن العاشقين


    والعاقل من لم يترك نفسه للحظات حزن



    أسعدك الله

    ردحذف
  7. الصمت ظاهرة صحية لو لفترة صغيرة من اجل التفكير و التأمل لكن لا يجب ان يطول لان اسم الانسان جاء من كلمة يأنس و بالتالى الطبيعي هو ان تتحدثى و تخرجى كل ما فيكي بالكلام مع من تختارى فحتما سترتاحى بعدها و تذكرى دائما انه لا يوجد مشكلة بدون حل كما ان الحزن هو الشىء الوحيد الذى يولد كبير و يصغر مع الوقت

    تحياتى

    ردحذف
  8. عزيزتى : الصمت فى لغتك وفى احداث حياتك تأمل وشجن لواقع تعيشيه فى مرحلة معينة ..وليكن الصمت بداية للتفكر للمستقبل ومرحلة جديدة انشاء الله..احساسك صادق جدا وأضفى على كل من قرأ كلماتك احساسك الخاص .. وفقك الله فى حياتك ... على فكرة الصمت عند الرجل هو الفعل العادى جدا ولكنه الاستثناء عند المرأة..

    ردحذف
  9. مرحلة الصمت دي بتبقي حاله صعبه معاها ملل وزهق وحزن وتفكير وحاجات كتير لسه كاتبه عن نفس الحال بتاعتك دي فعلا حاله صعبه

    ربنا يكرمك يارب ويزيل عننا جميعا الهم والحزن

    ردحذف
  10. الصمت.... سببه الاكبر الوحدة... الوحدة النفسية..

    ربنا يفك كربك..
    تحياتي

    ردحذف
  11. موها
    ههههههههههه والله وحشتينى
    ايون طلعت من القوقعه وجيت اقرفكم بافكارى تانى
    متخافيش عليا انتى عرفانى هى حالات زهق وملل كده طيارى مش بتاخد وقت معايا
    كمان انا الحمدلله لسه مش وصلت للصمت ده
    دا انا بتخيله بس
    هافرفش وازقطط حاضر
    ههههههههه
    مع خالص حبى وحبى يااجمل اخت
    ربنا كرمنى بيها

    ردحذف
  12. وليد
    يااااااااه ههههههههههههه متخافش على خفه الدم
    ربنا يخليك يارب
    اظن ان الصمت ده احيانا بيكون حاله طبيعيه
    واللى اوقات مش بيحس بسكون وصمت يبقى فى شىء فى نفسيته بيدارى عليه باشغاله او محاوراته الدائمه اللى متنتهيش
    احيانا بيبقى الصمت حلو فى لحظه هدوء وسكون ومراجعه نفس
    انما لو حزن يبقى الكلام احسن زى ماقلت
    تحياتى وتقديرى

    ردحذف
  13. QŁp 7āZēŋ
    بجد احسنت فى وصفك
    احساس الصمت احيانا فلسفه
    يمكن اثر دراستى للفلسفه ادانى طابع الصمت
    تحياتى

    ردحذف
  14. همس الاحساس
    ربنا يخليكى ياقمرايه ويسعدك
    فعلا الصمت احيانا ت؟أمل وتفكير وقد يكون مراجعه نفس
    وممكن يكون نقطه بدايه صفحه جديده فى حياتك
    مع خالص حبى

    ردحذف
  15. صيدلانيه طالعه نازله
    ربنا يخليكى يارب يا اجمل لولو
    مش تقلقى عليا
    زى ماقال مصطفى كامل
    لا يأس مع الحياة ولا حياة مع اليأس
    يعنى هارجع ليكم هارجع
    هههههههههههههههه ربنا يعلم بحب اكتب واخد بارائكم كتير
    مع خالص حبى وحبى

    ردحذف
  16. احمد الصعيدى
    احيانا ظروف البيءه اللى تعيش فيها تفرض عليك سلوك وعلاقات مش تقدر تتخطاها ومش ضرورى يكون حزن حزن عاشقين
    تحياتى

    ردحذف
  17. تيرز
    هو كل الخوف من تطور الصمت ام لو كان صمت مؤقت فده اكيد طبيعى وانه مرحله وعدت
    تحياتى

    ردحذف
  18. sabry abo omr
    جد استغربت بان الصمت طبيعى عند الراجل
    انا معترضه على الفكرة دى
    لان العقول خلقها واحد ومفيش فرق بين صمت راجل وصمت امرأه
    مع خالص تقديرى

    ردحذف
  19. صمت المشاعر
    اسمك اصلا اكبر دليل ان الصمت بيمر بينا كتير وانك كاتبه عنه
    وفعلا بيجى معاه الم وحزن بس احيانا بيكون نتيجه امل وفرح وفتح صفحه جديده للحياة
    المهم مش نستسلم
    مع خالص حبى وحبى

    ردحذف
  20. سمع هوص abo ali
    اكيد الوحده السبب
    وانا عارفه كده ان شعور الوحده هو السبب الاكبر فى كل او معظم حالات الحزن
    تحياتى

    ردحذف
  21. الصمت ليس براحه
    الصمت عذاب مكتوم

    ردحذف
  22. new one
    احيانا بيكون راحه لو الانسان اخده على محمل تفاؤل وانه يفتح صفحه جديده فى حياته وينهى حسابات قديمه
    انما عذاب مكتوم لو تمادى فى الصمت ده واستسلم له
    شرفنى مرورك
    تحياتى

    ردحذف
  23. حبيت اسلم بس تانى
    :D
    تحياااتى

    ردحذف
  24. اشكرك على هذة المدونة الرائعة

    ردحذف
  25. شكرا على مجهودك الرائع

    ردحذف
  26. شكرا جزيلا على هذة المقالة الجميلة

    ردحذف

قول اللى فى قلبك