28 فبراير 2010

فى حيرة ياقلبى



سنين فاتت عليا وقلبي علي حاله . . ولابنساه ولا قادرة اني اصفاله


بحبه لكني شايلة في قلبي منه كتير . . ونفسي اقوله اني لحبه محتاجة


وفي حاجز بيمنعني وميت حاجة . . عشان دة جرحني بغرامه وجرحه كبير


وساعات كتير بحتاج للمسة من اديه . . واشتاق لحضنه ونظرة واحدة من عنيه


وانا رغم دة برجع وبقول مش راجعة ليه .. علشان بخاف ضعفي يبان ويحس بيه


ماقدرش اتحمل في يوم اصعب عليه . . انا عندي اموت ولااني اعيش اللحظة دي


يجيبو في سيرته وقلبي يحن جوايا . . وبحلم يبقي في للبعد دة نهاية


لامني نسيته ولامني بعيش وياه . . لايمكن غيره يسكن جوة احضان


يبموت من الشوق وعزة نفسي منعاني . . اروحله واقوله ان انا لسة بستناه


نفسى اكون جمبك


واشيل عنك همك


واكون سند ليك


وقلبى يضمك


وانسى الحياة وانا فى قلبك


وغصب عنى بابعد عنك


وفى قراراى برجع وازيد همك


قدامك قلبى بيدوب فيك


وعقلى واقف عليك


ولو هربت بس انا اكون معاك


اكون معاك


: بارجع واختار بعدك


ويكونى همى فى نسيانك:


سامحنى ياملاك


هابعد تانى


بس مش هنساك


حبيتك ولسه بحبك:


وهاجى فى يوم اترجاك:


نهايه مكتوبه على بدايه حبى لحبك


جتنى تانى بعد سنين فى بعادك


وقلبى لسه ضعيف اوى قدامك


لعارف يقول اكرر بعادك


ولا قادر يهرب من عنيك


جوايا خوف محاوطنى بحبك


وقلبى مسلم مفتيحه لقلبك


وووووووووو

هناك 22 تعليقًا:

  1. حب .. عطف .. حزن وشجن .. انكسار .. ذل .. حنين .. افتقاد .. تتضارب الكلمات

    وأتمني لو أنها بين السطور فقط فتلك السلبية المفرطة والاستسلام الغير مقنع مصيره أكيد الخيانة من الطرف الاخر لأن شخصية الفتاة وشخصية حبها يفرض علي العاشق الوفاء لحبيبته أو خيانتها


    وتبقي كلماتك بسيطة وجميلة

    السلام عليكم ورحمة الله

    ردحذف
  2. من حيث الاسلوب فطبعا اسلوبك جميل و سلس و بتوصلى المعنى بشكل سهل

    من حيث المضمون فالرجل الذى تحتاج المرأه ان تقول له كل ذلك او يكون ده شعورها و كلامها و هى بتفكر فيه فلا يستحق اى شىء منها و كويس اوى انه راح و لو لسه بتفكر فيه يبقى عشان مش لاقيه غيره يملى الفراغ العاطفى عندها مش عشان يستحق

    ربنا يعوضها بافضل منه و اتمنى ده ما يكونش انعكاس لواقع بتعيشية لان لازم تكونى اقوى كتير من كده بالذات انك لسه صغيرة

    ردحذف
  3. هو فى حد يستحق كل المشاعر دى !!!!!!!!!!!!!

    ردحذف
  4. حبيبتى ...
    وجعتي قلبي اوى
    كلامك حلو اوى يا ايمى حسيته اوى
    الي بيحب حد اوى بيبقى صعب عليه انه ينساه بسهوله ده اذا نسيه اصلا ومافضلش بذكرياته محفور جوه قلبه
    بس علشان نقدر نعيش لازم نكون اقوى من كده وما نستسلمش لتجربه مرينا بيها
    ربنا يسعدك يا حبيبتى ويوفقك

    ردحذف
  5. ايمي موووووني

    حبيبتي وحشتيني والله ووحشني كلامك الحلو ده بجد كلامك جميل جدا وأثر فيا جداااا
    لأن انا من النوع اللي دايما بقول انه من الصعب ان اللي بيحب ينسي يوم اللي كان بيحبه ومش بيشوف غيره حب تاني في حياته

    تسلمي علي كلامك الجميل ويارب ما يحرمك دايما من كل حبايبك
    تسلمي يا قمر

    ردحذف
  6. حزينة
    جدا
    منكسرة لدرجة غير عادية
    معتقدش ان لسه فى حد يستاهل الحب والانكسار
    واننا نضحى كل التضحية وعندنا استعداد اننا نريحة للدرجة دى

    ردحذف
  7. احمد الصعيدى
    عندك حق فى تضارب مشاعر يمكن خوف ورهبه انه تخسر حب حبته
    واللى بيحب مش بيحس انه سلبى او ايجابى لانه قرارته خارجه عن احساس جواه
    تحياتى

    ردحذف
  8. tears
    فعلا دا مبدا كتير بنقوله اننا مش نبكى ونندم على حد مش يستاهل بس التنفيذ صعب جدا يمكن لما يكون حب حقيقى وشخص ممكن تضحى بحياتك علشانه مش بتفكرى انك لازم تبقى قويه او انك مستسلمه بس متخافيش انا مش مريت بالمواقف دى بس حساها فى كتير من الشباب وبتأثر بيها كأنى عايشها
    مع خالص حبى وحبى ياقمرايه

    ردحذف
  9. عايش ولكن!!
    اكيد فى كتير يستحقوا الحب طبعا
    لان الانسان من جواك لما بيحب بيحب اوى وبجد
    ومش بيظن ظن سوء او غدر من حد واكيد نصه التانى هو حياته اللى هيكملها معاه
    تحياتى

    ردحذف
  10. اميرة الاحلام
    وحشتينى اوى
    فين بوستاتك يااقمرايه
    تجربه صعبه يارب مانمر بيها
    وانا مش مريت بيها بس تخيلتها وحسيتها فى كتير اعرفهم
    وفى عذابهم ان الحب بقى صعب اوى انه يكمل
    اوقات بيقى مستحيل يتحقق
    مع خالص حبى وحبى

    ردحذف
  11. الطير العاشق
    فرفووورة
    حبيتى قد ايه احساس جارح انك تموتى على حبيبك وهو مش حاسس بيكى
    او بيتجاهل مشاعر وكلمات ماليه عنيكى
    ومااعظم الحب الذى لا يوجد قبله ولا بعده
    على حد فهمى يعنى ههههههههههههه انا مش جربت
    ادعيلى بقا هههههههههه
    مع خالص حبى وحبى امووووووووووه

    ردحذف
  12. مش بمزاجى
    اكيد الكلام من بره سهل انما لما تكونى انتى فى حاله حب حقيقه
    هيختلف تعبيرك
    وهتضحى بحياتك علشان نظرة فرحه فى عنيه
    احساس الحب خيالى وانا باتخيله
    قد معاه الدنيا جميله
    ادعى بس ياموزة ربنا ينولها ليكى وليا ههههههههه

    ردحذف
  13. ايه ده يا عم ايمي ؟؟؟؟؟؟؟؟
    ايوة يا سيدي البت سخنت و بدات تكتب في المدونة كل يوم ؟؟؟؟؟؟؟؟؟؟؟؟؟
    يا نهاري ده احنا في عيد يا بنتي و الله
    ههههههههههههههههههههههههههههههههههههههه

    ايمي كلامك جميل اوي بس مش عارفة ليه دايما الاحبة بيختاروا الطريق الصعب في حبهم
    بيحبوا بعض و يفترقوا
    مش بيحبوا بعض اوي بس يتجمعوا
    بيحبوا بعض و ناس كتير واقفة ضدهم بس بيختاروا يحاربوا و يتجمعوا
    بجد بجد بجد بجد بجد حلاوة الحــــــب عذابــــه

    وحشتيني خالص و عايزة اسهر معاكي
    بس لو ما لقيتينش النهاردة فده لاني تعبانة جدا و الله
    و ابقي سلميلي على عسلية و مراميرو

    خالص حبي و حبي و حبي وحبي ليكي يا قمرايا

    ردحذف
  14. مووووووووووها
    وحشتينى اوى اوى
    سلامتك ياقمر ..يارب تكونى بخير
    ههههههههههههههه مااهو زى ماقالت ام كلثوم
    برضو عن حلاوة الحب فى عذابه
    بالنسبه للكتابه يوميا
    هههههههههههههههه قلت نعمل تنشيط كده وكل سنه وانتى طيبه مولد بقا ههههههههههههه
    بس مش عارفه ليه صحيح عذاب الحب ده دى بقا سلوى لكل الناس بقت موضه والله
    مع خالص حبى وحبى

    ردحذف
  15. شو هذا الابدااع والحنان الكبير والحب البرئ

    سلمت اناملك الذهبية حبيبتي ايمي

    وفقك الله

    ردحذف
  16. انا قولتلك رأى عليها ياايمى وبجد قريتها تانى وتالت
    بجد حبيتها اوى اوى ...

    بس اهم شى انها ماتكونش واقعيه لانه طبعا بطل كلماتك لا يستحق كل هذه الكلمات على مافعل ببطله كلماتك ( فاهمه حاجه )هههههههه

    بجد تنفع تتغنى على فكره ...

    تسلمى يااحلى كوكوووووووو على احلى احساس ...
    ... ;) ,,, ;) ...

    ردحذف
  17. ميمو حبيبتى...
    أولا الأغنية بتاعة أنغام دى تجنن ... وبموت فيها جدا جدا والألبوم كله تحفة

    ثانيا كلامك وأسلوبك صادق أوى يا ايمى ... عارفة ليه؟؟.. عشان كلمة "ضعف" اللى انتى كتباها دى أقرب وأصدق كلمة ممكن توصف "الحب"
    الحب فعلا ضعف قليل مننا أوى اللى بيقدر يتحكم فى قلبه ويحكم عقله ويعمل كونترول على كل حاجة
    عارفة فيلم "حب البنات" أشرف عبد الباقى كان دايما بيردد اننا دايما بنبحث عن الحب فى كل مكان وزمان (هوه الحب بجماله وبغباوته)

    ردحذف
  18. راندا الجنوبيه
    تسلمى لى ياقمرايه
    مع خالص حبى

    ردحذف
  19. غاده
    تسلم لى ياحبى هههههههههههه عيب عليكى انا هاكتب حاجه واقعيه
    هههههههههههههه ياريت دا احساس الحب دا فظيع وبعدين مش بيبقى ضعف د بيقى تضحيه وتمسك باللى حبتيه
    فهماكى
    مع خالص حبى وحبى

    ردحذف
  20. شيماء
    انا بعشق حاجه اسمها انغام
    باموووووت فيها بتدينى احساس فظيع بصوتها القوى
    وودنى اتعودت عليها من صغرى لان ماما بتحب تسمع لها
    بالرغم انى مش متابعها بس اى اغنيه بتاثر بيها واكملها انا مكانها ههههههههههه

    اه بعذابه واستسلامه وضعف وكله على بعضه هو بغباوته الحب
    تسلمى لى ياقمرايه

    ردحذف
  21. شعرك جميل

    ممكن اكون صديق

    ردحذف
  22. راعى الغنم
    يشرفنى مرورك وتعليقك ميرسى اوى
    اكيد تنور

    ردحذف

قول اللى فى قلبك