4 فبراير 2010

لماذا؟؟؟


بأحب ابص ليها

واتأمل فيها

واكلمها عن الحزن اللى بيها

واتأثر بيها

وتسيل دموعى عليها

عيناى

لماذا كلما انظر اليكى

فى المراه

ارى بداخلك حزن

اهو حزن بكى طبيعه

ام حزنى انا فطره

اجدك دائما كلما انظر اليكى

بداخلك دموع محتبسه وتنتظرنى

ان اتأمل فيكى لتنهارى

وتبكى بحرقه.....

لماذا ؟؟

اشعر اننى سبب فى كل ما يحدث اليكى

اعاتب نفسى والومها بما اجهدتك به

امرى ليس بيدى

وحزنى بقلبى يأبى

يأبى الخروج والحديث عنه

فأنتى من تتحدثين

وترفضين مايحدث لكى

اجابتك بالرفض هى دموعك

فرحتك هى دموعك

وتأملك دموع

اهى مناطك للاستسلام

ام تعبير كما اظن انا عن ارادتك

ماذا؟ ماذا افعل لأراكى سعيده

كلما انظر اليكى

احس انكى تزيدين همى

وتعاتبينى عما بكى من حزن

لماذا؟

كم الحزن بداخلك

لمعه دموع محتبسه

لماذا؟


ـــــــــــــــــــــــــــــــــــــــــــــــــــــــــــــــــــــــ

دعيت لك رب الكون

وسوقت عليكى الاولياء

ومن دكتور لدكتور احتاروا فى وصف الادويه

استعملت علشانك النظارات

وجربت فيكى القطرات

واخره زهقى جبت ليكى عدسات

ومنك وبسبك بطلت حتى النظرات

اشكى واحكى عنك

واقولك

يانن عينى

ايه فيكى

وليه دايما دموع بيكى

هناك 28 تعليقًا:

  1. الشجن دايما موجود بداخلنا و دى سمه من سمات شعبنا و اكيد فيه ظروف كتير و مناخ عام ساعد على ازدياد الحالة دى بس مش لازم نستسلملها ابدا و الا ح نبقى عايشين ميتين

    و بعدين مالك بس...بقالك فترة فى مود حزن...يا بنتى انتى لسه صغيره على كده....ابتسمى يلا و انسى كل حاجة
    :)

    ردحذف
  2. tears
    فعلا الشجن دا من طبعنا وخاصه انا...بس انا مش عندى شىء يحزنى عادى باميل لكتابه دراميه ههههههههه غاويه اكتب عن الحزن ومتخافيش ياقمرايه انا اعلى ضحك وفرحه والحزن شىء بسيط بتاثر للحظات واكتب وبيعدى كله بيعدى وانا فى طبع مش باستسلم ابدا بس لحظات بنكون مع نفسنا نعيد حسابتنا ونشوف دنيتنا واللى فيها اوقات نكرها ونحبها ونرسم لينا شط من غير مرسى لنطول البر ولا حتى نطمن بوجدنا فى حياة لايام وسط البحر

    مع خالص حبى وحبى

    ردحذف
  3. تعرفي انا كمصريين الشجن هو الغلاف الجوي لحياتنا

    والضحك والفرحه هي ثقب الأوزون قليل ولما بييجي بييجي بقرف مش بالساهل

    بس ايه دموعك استحملت كتير عدسات ونضارات وحركات اقولك

    حطيها في كلوروكس
    هتلمع وتبقي ميه ميه

    ردحذف
  4. كلمات جميلة لكنها حزينة بس الراحة انا مع وليد عينيك المسكينة شافت منك كثير فحرام عليك ارحميها بقى عيشيها الفرحة لمعة الفرحة في العينين حاجة تانية جربيها وانت تشوفي الفرق
    تحياتي عزيزتي

    ردحذف
  5. وليد
    ههههههههههههه ايوة واجيب تايد كمان نظافه ريحه توفير علشان عنيه دا ايه ده اكيد الشجن احلى مافى حياتنا لان من غيرة مش هنعرف طعم الفرحه والسعاده القليله اللى فى حياتنا...واحلى طعم للفرحه لما تيجى بعد الالام زى الرزق من غير تعب وشقى يبقى مالوش طعم وبيروح فى ثانيه..
    بالنسبه لعنيه فهى بتلمع وميه ميه مش محتاجه كلوركس ههههههههههه

    ردحذف
  6. خواطر شابه
    ههههه انتم اتفقتم عليه ههههههههههههههه دى عينى دى نن عينى ههههههههه هحطها فى عينى متخافيشى انا محافظه عليها دى تبعى برضو وانا جربت الفرحه ولحد الان انا مش حزينه مش تنسوا انا معظم اللى بكتبه مش باكون عيشاه انا بتخيل انى عيشاه والحزن قليل فى حياتى بس كتير فى كتاباتى
    مع خالص حبى وتقديرى

    ردحذف
  7. جميله اوووى وحزينه ايمى ربنا يبعد عندك الحزن بس انا معاهم انتى حطى فيها الكلوروكس وهو هيعمل مفعول جامد وعنيكى هتلمع بس ياريت تحطى كلوروكس الوان
    اصلى عاوزه اشوف قوس قزح فى عنيكى ههههههههههه
    مع حبى وتقديرى
    صديقتك روووووووووغا

    ردحذف
  8. روغا
    حتى انتى ياروغا والله لاوريكى هههههههههه وحشتينى يابت ابقى تعالى لى شويه
    وهاجرب الكلوركس فى عنيكى الاول قبل مااستخدمه انا ماشى ماشى

    ردحذف
  9. ذرفت عيوني دمعة ً فسألتها
    لمَ َ دمعك الغالي يهون
    قالت دموع ٌ آلمتني ذرفتها
    وكل ما يؤلم يهون

    الحب يصنع الحزن والحزن يصنع الدموع والدموع تصنع الاحساس فأدام الله عليك وعلينل رقة الاحساس

    ردحذف
  10. بجد وجد الجد كلامك زي العسل حتي في حزنك حسستينا بدمك الخفيف هههههههههههه

    ماشاء الله علي كلامك تسلمي ويارب دايما الفرحه ماليه عيونك وبعدين افتكريني وانتي تضحكي علي أساس إني أراجووووز وولا يهمك المهم انك تضحكي

    ردحذف
  11. ايمى ياقمر ..
    ليه كميه الشجن دى ياحبيبتى
    عارفه يا ايمى وانا بقرا كلامك حسيت انك بتتكلمى عن عنيا انا هههه
    اه والله انا ياما وريتها كتير قوي واخر دموعها كان لسه من شويه ده انا بعمل فيها عمايل
    ونضارات وعدسات زى ما عملتى كده
    بس بجد الكلام على قد مافيه من شجن جميل اوى
    ربنا يحميكى ويحفظك يا حبيبتى من كل شر

    ردحذف
  12. قالها نزار من قبل

    اني أحبك عندما تبكينا
    وأحب وجهك غائما وحزينا
    تلك الدموع الهاميات أحبها
    وأحب خلف سقوطها تشرينا

    دعي دموعك في عيناك سيدتي ولكن برئي عيناك من كل حزن وعودي الي دموع الطفولة الاولي وقتها تكون السعاد

    أسعدك الله

    ردحذف
  13. الشموع السوداء
    شرفنى مرورك اوى بس محتارة فى اسمك
    وميرسى لاحساسك والابيات الجميله دى
    تحياتى

    ردحذف
  14. الطير العاشق
    فريده وحشانى مووت واكيد اللى يشفتكرك ينبسط مش علشان ارجوز لانك فعلا قلبك جميل ولسه الدنيا بخير
    تحياتى وحبى

    ردحذف
  15. اميرة الاحلام
    ههههههههههه انتى زى حلاتى دى شوطه بقا ولا تكون دى سمات الشرقاويه
    دمتى ياحبيبتى فى سعاده وامل فى الحياة ولا تعرفى طعم الحزن ابدا

    ردحذف
  16. احمد الصعيدى
    انا باموت فى اشعار نزار وفعلا هو اتكلم عن الحزن كتير وخاصه حزن الحبيب
    تحياتى وادام الله عليك السعاده

    ردحذف
  17. ايمى ...يارب تكونى بخير
    الحزن والشجن ..مش طبع المصريين بس ..لأ..ده طبع العرب والشرقيين عموما....بس ده مش حاجة وحشة .....لأن أكيد بيبقى الاحساس عندنا عالى بنحس ببعض أوى وبحب بعض أوى ..بالرغم من كم الشرور الموجودة بس قلبنا لسة طيب
    بالتوفيق دايما يا حبيبتى

    ردحذف
  18. حلووووووه كتير كلامتك بس بتمنى انها تكون بعيده عن حياتك ..

    حلوه كتير الدموع بتغسل همومنا قبل مابتغسل عيونا
    والعين دايما هى اللى بتكشف اسرارنا مه حاولنا نخبيها ...
    انا من الناس اللى مش بحب اوض دموعى انا عارفه انها قسوه منى بس برتاح كده اكتر

    بجد حلوووووووه كتير كلماتك ياكوكو كالعاده
    ووحشااااااانى اوى
    ... ;) ... ;) ...

    ردحذف
  19. شيما
    فعلا ياقمرايه الدموع دى سمه العرب بس مش كلهم لان فى كتير دموعهم بتبقى نادرة بل استحاله ههههههههه تصدقى انا بنت خالتى الصغيرة بتعيط عمرها مانزلت دموع سبحان الله
    وممكن الدموع بتريح وتخفف القلوب لان كتمانها بيقهر النفس
    مع خالص حبى

    ردحذف
  20. موناليزا
    ميرسى ليكى اوى

    ردحذف
  21. غاده
    انتى وحشانى اووووى ربنا يوفقك يارب وتخلصى على خير ونقعد نرغى ههههههههه
    بالنسبه للدموع فهى شغاله الله ينور نازله غسيل لما اتبرت ههههههههههههه ومش قسوة انك تخفى او مش تدمعى كل واحد حسب شخصيته انا من الناس اللى امنى ان دموعى مش تنزل بدون اراده بلاقى دموعى سابقه لسانى وبحاول انى اخفيها عن اى حد بس مبقدرش
    وكالعاده انتى اللى عسل والكلام حلو لانك انتى اللى شيفاه بعيونك الحلوة هههههه كلمتين تشجيع يلا علشان تشدى حيلك فى الامتحانات
    والله بجد وحشتينى
    مع خالص حبى

    ردحذف
  22. اختى
    دموعك غالية
    وكلماتك رائعه
    بجد انا سعيدة بوجودك فى مدونتى
    وشكرا اختى الغالية
    وان شاء الله نكون اصدقاء

    ردحذف
  23. همس الاحساس
    ان شاء الله نكون اصدقاء
    وميرسى وانا اسعد بتشريفك

    ردحذف
  24. غاليتى


    لولا الالم ما شعرنا بنعمه السعادة


    نحتاج ان نشعر احيانا بالالام الاخرين


    موضوع هام استطعتى ان تسغيه بكلامات


    منسقه رائعه


    تحياتى

    ردحذف
  25. لام جميل جدا ومعبر عن احساس بين الانسان ونفسه وكانه بيطبطب على نفسه وبيكلم جزء منه يواسيه.. صور حلوة اوى واحساس جديد وجميل .

    ردحذف
  26. جايداالعزيزى
    اولا ميرسى ليكى ولزيارتك مدونتى
    وفعلا عندك حق لولا طعم الحزن ما كنا احسسنا بطعم السعاده ولا حسينا بيها
    تحياتى وان شاء الله نكون اصدقاء

    ردحذف
  27. abo omer elmasry
    ميرسى ليك اوى واحساس الالم موجود دايما لان الدنيا اتخلقت وفيها طابعين الشر والخير
    تحياتى

    ردحذف

قول اللى فى قلبك