22 نوفمبر، 2011

كلنا لها


اولا: وحشتونى ووحشنى التدوين
مش عارفه فاكرنى ولا لاء
بس غصب عنى بسبب النت

انا خايفه
اه خايفه
ببكى واصرخ من جوايا
من كل شىء خايفه
احنا رايحين فين
وعاوزين ايه
يمكن اكون مستسلمه
بس جوايا حماس عاوزة انزل
اعارض واعتصم
بس عاوزة امى تنام مستريحه
قلبها مطمن على ابنها
ف وسط الزحمه
يمكن كلامى يكون تافهه
بس قلبى بينبض خوف
اخرتها ايه
كل شىء قدام عنينا بيتحرك
وانا جوايا صراخ وسكون
بس فى نبرة خوف
برضو مش استسلام
بس بتمنى الراحه والامان
لكل انسان
وضمير حى يصرخ فى كل مكان
انا بنى ادم مش حيوان
ايوة بحبك يامصر وخايف عليكى
بس انا ابنك مستينكى
تاخدينى بين احضانك وترضينى
مين غيرك يحمينى
ويراعينى
ايوة غلطت وانا عارف
بس قلبك دايما مسامح
ايوة غضبت وثورت بس علشانك
اكون عايش
.............................................................
حلمى بجد الاقى امان واستقرار فى كل مكان
ربنا معاكى يامصر ويحمى ولادك
منهم جيش وظباط وشباب ورجال وشيوخ وولاد ونساء
ايوة خايفه عليهم منهم اخويا وابويا وجارى
منهم عشرة قلم وفضائى
ربنا معانا
كلنا لها