يافرحه ماتمت

فرحت فى الاول وانبسطت اوى
لكن فوجئت بتكمله الكلام صدمنى فى البدايه
بس بعد كده قلت الحمدلله
انى عديت من الترم ده ونجحت صافى
اصل بينى وبينكم دكاترة فلسفه
مالهمش امان وفعلا اوقات اوقات
بيقلبوا علينا بس برضو طيبين مش اظلمهم
المهم انا كنت زعلانه لانى لاول مرة كنت هاجيب
تقدير جيد جدا وطبعا فى اخر سنه ليا كان هينفعنى مع الترم التانى
وادعى بقا على اللى ادانى ماده ضعيف
ضيع عليه التقدير
واعاتب نفسى بقا واهرى وانكت
اه يااخواتى مش كنت ركزت
اه ياااااااانى اولع فى روحى يعنى
وهاتك يا لوم وعتاب

المهم ادور مين اللى ادانى ضعيف وضيع عليه التقدير
الاقيها دكتورة كانت طول السنه مش عاجبناها
وحلفت انها هتسقط الدفعه كلها
طيب نعمل ايه؟؟
يهديكى يرضيكى
ابحاث طيب امتحانات شفوى
ابدا ولا يمكن مصممه اننا مش نافعين وهتسقطنا
وفعلا فوجئت ان معظم الدفعه جايبه مادتها ضعيف وفيه
اللى شايل الماده
احمدك يارب
احمدك يارب
انها جت على قد ضعيف
ومش شلتها
بس ليه تعمل كده
طبعا بمزاجها
هى خسرانه حاجه
اللى يعيد يعيد واهلنا اللى بيصرفوا
وحمل تقيل عليهم
واللى تعب علشان يجيب تقدير حلو
ياعينى
يعنى احنا تحت سيطرة مزاجهم
اللى جزها مدايقها وتيجى تفش غلها فينا
واللى ابنى مزعله يجى يطنط علينا
انا مش باعيب فيهم
بس باعيب اسلوب معانا
زعلانه اه ان ضاع عليه التقدير بسبب الماده دى
بس بحمد ربنا انى عديت بخير
بس تعبنا بجد
ولا السنه اللى فات اللى مش بياخد درس
فى السنتر اللى المستر بيتعامل معاه
هيشيل الماده
دا غير الواجب اللى لازم نوديه السنتر
ورجعونا للاعدادى تانى
المدرس يدى العيال درجات وحشه ويستقصدهم
علشان يروحوا ياخدوا عنده
يانهااااااار دا تعليم ولا ايه ده
هو اللى حصل بجد فى الدنيا
واه يافرحه ماتمت
بس الحمد لله

تعليقات

  1. و عسى ان تحبوا شيئ و هو شر لكم و عسى ان تكرهوا شيئ و هو خير لكم

    ردحذف
  2. يا ايمى ما دى منظومة الفساد اللى بنحاربها و بستغرب اوى من الشباب اللى بيقف سلبى مع انها ح تقضى عليه مش بس فى الدراسة لا فى العمل ده لو لقى شغل اصلا..اللى بتقوليه نموذج من الفساد و عشان كده عايزين تغيير للنظام المتعفن ده
    شوفى الفساد فى الحكم بيعقبه فساد فى كل شىء حتى الجامعه...يعنى انا مثلا درست فى جامعه أجنبية ماكانش فيه حاجة اسمها شكلنا مش عاجب استاذ و لا حد يحلف و لا الكلام ده مش عشان همه ملايكة لكن عشان فيه قانون و عدل و نظام و لو اى طالب انشاالله فى سنه اولى و بيدرسله العميد و حس مجرد احساس انه نقصه درجات و لا اداه اقل من ما يستحق بيقدم طلب
    و بيتم اعاده التصحيح من ناس محايدة مش فى مقر الجامعه اصلا و لا يعرفوه و ده بيتم بدون زعل او ضغائن او وعيد لانه اجراء عادى و متبع و بالتالى الطالب و الاستاذ بيحترموا نفسهم لانهم عارفين ان فيه قانون و نظام

    عموما طول ما الفرعون على تلها مش ح تفرق تقديرك ضعيف و لا امتياز كله محصل بعضه و ان لم يتم تغيير حقيقى يبقى اللى جاى اسواء

    ردحذف
  3. ايمى حبيبتى ..
    معلش يا حبيبتى ماتزعليش
    الحمدلله انك عديتى من غير مواد وان شاء الله الترم التانى يكون احسن
    تقريبا كده كل كليات الزقازيق زى بعضها
    فكرتينى بايام ما كنت في الكليه انا عمري ما اخدت دروس الا لما دخلت الجامعه
    ولا الواجبات على رايك الي تتسلم معرفش فين وامتى كنا بنصحى من 5 الصبح لحد يمكن 7 او 8 اخر النهار ما بين الجامعه والدروس وطلعت عنيناوفي الاخر الدكاتره بيعملوا الي على مزاجهم
    كانت ايام
    الحمدلله عديت على خير
    ربنا يوفقك يارب ويسعدك دايما يا حبي

    ردحذف
  4. معلش حصل خير
    الحمد لله ياجميل
    انك عديتى ونجحتى
    وضعيف يعنى فيها رفع الحمد لله
    احمد ربنا
    وان شاء الله خير
    وعسى ان تكرهوا شيئا وهو خيرا لكم
    على الهامش
    ايمى ضفى اميلى من البروفايل بتاعى وكلمينى

    ردحذف
  5. الجواز وسنينه
    الحمدلله اللى جت على قد كده
    بس غصب عننا الواحد بيتكلم يمكن شىء يتغير
    تحياتى

    ردحذف
  6. tears
    لو عندنا شويه نظام ومرعاه للتعليم بضمير
    من قبل المدرس والطالب كان الحال انصلح
    وياريت نغير من نفسنا ونحاول نبقى احسن
    وفعلا احيانا باحس ان الجامعات الخاصه احسن مننا بكتير
    بس هنعمل ايه اهوه بنحاول نتمرد حتى ولو بالتعبير
    تحياتى

    ردحذف
  7. اميرة الاحلام
    بجد فرحانه وحزينه بس باحمد ربنا
    انا قلت ددخلت الجامعه واستريحت من الدروس وهمها
    وبرضو باخد دروس ودكاترة زى مدرسين الابتدائى واقل كمان
    بس هنعمل ايه يلا هنقضيها بالطول والعرض كام شهر
    ربنا يستر بقا
    مع خالص حبى وحبى

    ردحذف
  8. مش بمزاجى
    عندك حق الحمدلله انى عديت
    اه فيها رفع بس كان يهمنى التقدير
    يلا قدر الله وماشاء فعل
    اوك ياقمرايه يشرفنى نتعرف
    وهاضيفك حالا
    مع خالص حبى وحبى

    ردحذف
  9. قدر الله وماشاء فعل

    كتب الله لك الخير حيث كان

    السلام عليكم

    ردحذف
  10. فضفضي يايمي ارتاحي وحنا نسمع لك

    الحمدلله انها جات على كذاا وانا صار لي مثلك

    بالضبط والحمدلله عدت على خير

    تمنياتي لك بالنجااح والتوفيق الداائم

    ردحذف
  11. احمد الصعيدى
    قدر الله وماشاء فعل
    خير ربنا هو بس اللى يعلمه
    وانا راضيه وفرحانه الحمد لله
    تحياتى

    ردحذف
  12. راندا
    هتخلينى اعيط ههههههههههه
    بجد انا فى الاول كنت زعلانه ومدايقه اوى
    بس بعد كده قلت الحمدلله انها جت على قد كده وعديت
    الحمدلله ..رب خيرا قادما
    مع خالص حبى وحبى ياقمرايه

    ردحذف
  13. ايمي موووني

    ايه يا بنتي انتي بتقولي ايه .... انتي ماتعرفيش مقولة ..( يبقي انت أكيد في مصر ....)
    لا بجد والله الله يكون في عونك والحمج لله انها جت علي أد كده ومش تزعلي قدر الله وماشاء فعل
    وعقبال الجاي ويكون أحسن وأحسن

    مع تمنياتي بكل التوفيق والسعاااااادة

    ردحذف
  14. أزال المؤلف هذا التعليق.

    ردحذف
  15. ايمى انا ماكنتش بكلم عن جامعه اجنبية خاصة لكن كنت بكلم عن جامعه اجنبية حكومية انما حكومة دول عالم اول مش تالت درست فيها لغاية الماجستير و درست للطلبة كمان فانا فاهمه بقول ايه

    صحيح الجامعات الخاصة فى مصر اكيد افضل لكن برضة منظومة الفساد فيها...البلد عفنت...السمكة بتفسد من رأسها و رأسها معفنه من تلاتين سنه فلا تتوقعى ان شىء يبقى كويس و لو الشباب فضل سلبى و راضى بالذل و الاهانه اللى وصفتى جزء بسيط اوى منها يبقى يستاهل الضياع اللى هو فيه و يستاهل اكتر كتير

    انا عن نفسى بكلم و بنفذ و عضو فعال فى حزب معارض و حركات تغيير و بنزل و بحتك ده غير حاجات تانية مش مجالها تتقال هنا بس لازم تفهمى ان لو لم يحدث تغيير مصير البلد دى اسود و مصير الشباب و اولادهم من بعدهم ده لو عرفوا اصلا يجوزا و يلاقوا شغل يعيشهم ح يبقى ضياع فى ضياع....و على سبيل المثال لا الحصر...نسبه مرضى السرطان و الكبد فى مصر دى مش صدفة و لا قضاء و قدر انما بفعل فاعل...فاعل مجرم متواطىء و كفاية كده بس على الله تكونى فهمتى قصدى

    ردحذف
  16. الطير العاشق
    هههههههههههههه عرفت يافرفورة انى اكيد فى مصر
    بس كنت محكترة لنفسى الشرقيه بس
    الحمد لله على كل شىء قدر الله وماشاء فعل
    وحشتينى اوى
    مع خالص حبى وحبى

    ردحذف
  17. tears
    فهمتك والله بس عندنا اللى يكلم يكلم وشوفى مين هيعبرنا
    والواحد بيحمدلله ربنا وخلاص يعنى نصيب وقدر
    بس خلى عندك امل ان شاء الله مصر شبابها هيبقوا زى الفل وهما من داخلهم نفسهم يغيروا ويبدعوا بجد
    بس الظروف والحواجز بتمنع حتى انه يتنفسوا ويخافوا على حياتهم
    واكيد بفعل فاعل برضو بس فى هدم طموح ممكن يكون من غير قصد
    وبيقولوا سياسه دوله ومصالح عامه وعلى المعتقل عدل
    ويابخته من مشى جمب الحيط علشان مالوش دهر يسنده وكفايه كده لنروح ابو زعبل
    ياترى تعرفيه ولا لاء
    تحياتى ياقمرايه

    ردحذف
  18. ايمــــــي .............
    ايه يا بنتي وجعتي قلبي و الله و بجد معاكي حق في كل كلمة قوليتيها و الله
    و الله الدكاترة و المدرسين و اي حاجة تخص التعليم في مصر بقت زي الزفت و تستاهل الحرق و الله
    و على فكرة انا بحس دلوقتي ان الجاهل في بلدنا او اللي مش متعلم بيبقى مثقف و مركز اكتر من اللي اتعلم للاسف و ده لاننا بجد ماشيين غلط

    الحمد لله يا حبيبتي انها جت على قد كده
    و ان شاء الله ربنا يوفقك و يسعدك و تحققي كل اللي بتحلمي بيه و تبقي احلى صحفية في الدنيا

    خالص حبي و حبي و حبي

    وحشتيني خالص مالص و الله و هنبقى نتكلم النهاردة او بكرة ان شاء الله
    اسفة بس انا ما قعدتش على النت الفترة دي و الله

    امواااااااااااااااه

    ردحذف
  19. ميمو حبيبتى ... عاوزة أسمع لولللللللىىىىىىىىىىىىىى من قلبك تانى ومتزعليش .... اللى فهمته انك فى رابعة يعنى أكيد فهمتى أسلوب السادة الدكاترة
    هحكيلك قصة صغنونة.... أنا آداب انجليزى ... كل الشرح والكلام عندنا كان بالانجليزى كان عندنا مادة اسمها essay أو مقال الدكتور بتاعها مكنش بيدخل محاضرات فيها خالص ممكن مرة فى الشهر مثلا ولما يدخل يقعد يفر فى الكتاب ويقول دى at home ودى at home مرة واحد من الطلبة كمله هوه الكلمة وقال at home وعينك ما تشوف الا النور ورانا أيام سودة

    عشان كدة بقولك دى طبيعة كل الدكاترة اللى ربنا بيحكمهم علينا
    المهم مبروك يا ميمو النجاح ... بلا تقدير يا شيخة بلا كم فاضى .. ماله التقدير الشعبى وحش
    مبرووووووووووووووووووووووووك

    ردحذف
  20. مووهاا
    وحشتينى اوى ياقلبى
    متخافيش نحن قوما لا تهزنا الرياح العاتيه ولكن تهزنا ورقه بها اجب عن الاسئله التاليه
    هههههههههههههههههههه
    الحمد لله ازمه وعدت كويس انها جت على قد كده وعديت بخير
    ربنا يخليكى ليا يارب وكل سنه وطنط طيبه
    وهستناكى وحشنى نتكلم اوى
    اموووووووووووووووواه ياعسل

    ردحذف
  21. شيماء
    ههههههههههههههههههههه المشكله انى طول السنين اللى فاتت منفضه والحمد لله مرة بتقدير جيد
    والباقى بتقدير الشعب
    بس لانها اخر سنه كنت باجتهد علشان التقدير لانى حاطه هدف اعمل دبلومه فى الاعلام واكمل
    بس نصيب بقا
    بس انا الحمد لله بخير وبحمد ربنا
    المهم انا هزغرط ليكى
    لووووووووووولوووووووووووووووووووووى الف مبروك ياحبى على الخطوبه
    فرحانه ليكى اوى ربنا يتمم بخير
    مع خالص حبى وحبى

    ردحذف

إرسال تعليق

قول اللى فى قلبك

المشاركات الشائعة من هذه المدونة

صمتى

اه ياقلبى