2 فبراير 2010

اه ياقلبى


اه ياقلبى من قوله اه
اه ياقلبى من حلم بتتمناه
اه من قسوة حبايبنا علينا
اه من حب بيغدر بينا
اه من اللى خان وظلم
اه ياقلبى فيك جروح بتعلم
اه من دمع عنينا
لما يشوفها اللى غدر بينا
اه ياقلبى من قوله اه
اه ياقلبى من حب بتتمناه
قلب يضمك ويحن عليك
ووقت الشده يكون سند ليك
ويمسح دمع عنيك
اه ياقلبى من قوله اه
اه ياقلبى من حب بتتمناه
لما تلاقى الدنيا سعاده
والفرح بقا عاده
اه اه اه ياقلبى
جواك مواجع
وحب مفارق ومش راجع
اه ياقلبى من قوله اه
اه ياقلبى من حب بتتمناه
ليه الفراق بقا بابنا
والجراح بقا طريقنا
اه ياقلبى من قوله اه

هناك 34 تعليقًا:

  1. اول كرسي بسرررررررررررررررررررررررررعة

    ردحذف
  2. سلامتك يا حبيبتي من قولة الآآآآآآآه يا ايمي يا حبيبتي

    بجد كلامك طالع من القلب و الله اوووووووووووووي

    و بلاش حالة الحزن دي بالله عليكي
    و لا هي الامتحانات عاملة شغلها معاكي ؟؟؟؟؟؟؟؟؟

    هههههههههههههههههههههههههه

    واحشانا موت و يا رب تكوني خلصتي الامتحانات المملة دي بقى

    خلي بالك من نفسك
    و اخبار دور البرد ايه ؟؟ يا رب يكون عدى على خير

    مع خالص حبي و حبي و حبي و حبي

    ردحذف
  3. أزال أحد مشرفي المدونة هذا التعليق.

    ردحذف
  4. سلامة قلبك من الاه...ليه بس كده يا ايمى....لسه بدرى يا بنتى على كل ده

    خلى بالك من نفسك و انسى اى حاجة تضايقك..مافيش حاجة تستاهل


    دمتى بخير و سلام

    ردحذف
  5. مووووووووووها حبيبتى
    الحمد لله خلصت
    وقوله اه مش بتخلص للاسف وفعلا الكلام ده طالع من قلبى اوى مع انى مش مريت بيه والغدر وكده بس فراق الحبايب صعب ربنا مايكتبه لحد
    تحياتى ياحبى

    ردحذف
  6. بجد ياايمى كلماتك جميله واحساسك عالى اوووووووووووى وانتى عارفه رائى كويس فى كلامك الجميل
    يارب تكون ايامك كلها سعاده وفرح
    تقبلى مرورى
    صديقتك روووغا

    ردحذف
  7. يا دين النبي يا جدعان

    خلصت من هنا وقلبها قام عليها من هنا

    ايه يا معلم ابداعات ما بعد الأيام العجاف

    والكلام اللي وهو بيتقري يتشاف ويتحس ده

    وسلامتك من الأه خالص والهي قدر يا كريم اللي يوجع قلب ايمي ربنا ما يريح قلبه خالص
    حمدالله علي السلامه ومستنيين النتيجه

    ردحذف
  8. رووووغااااااااا
    ههههههههههه مفاجاه انك تظهرى من غير مااقولك
    انتى حبيبتى ربنا يخليكى يارب

    ردحذف
  9. ى وظروفها
    هههههههههه وليد فرحه انى خلصت امتحانات بقا
    خلصتها وخلصت عليه ..ربنا يخليك يارب ولسه بدرى على النتيجه ربنا يسترها

    ردحذف
  10. اه من دمع عنينا
    لما يشوفها اللى غدر بينا
    يا لها من كلمات رائعه
    تحياتى ومودتى

    ردحذف
  11. أزال المؤلف هذا التعليق.

    ردحذف
  12. رز وملوخيه
    اوقات الجرح بيعلم وبنخاف يظهر علينا ان فى كسرة فى عنينا
    ميرسى اوى لتشريفك وتعليقك
    تحياتى

    ردحذف
  13. tears
    منورانى ياقمرايه سورى مااخدتش بالى من تعليقى ظهر وانا برد على التعليقات
    انا الحمد خاليه من اى عوامل هدم وبناء هههههههههه مازال قلبى صفحه بيضاء

    ردحذف
  14. الكلام تحفة بجد
    بس ايه كمية الأهات دى

    ردحذف
  15. سلامتك من كل وأى آآآآآه يا ايمى ....منها لله الامتحانات هيه اللى عملت كدة
    ان شاء الله اللى يزعلك ما ينجح السنة دى

    ردحذف
  16. يا ايمي تسلم قلبك يارب من أي وجع ماشاء الله علي إحساسك

    حلوة قوي بجد ومؤثرة كلماتك تسلمي عليها وان شاء بعد تعب الامتحانات ربنا يوفقك بنتيجه كويسه وترضي عنها

    ردحذف
  17. اه اممممم...يعني....خليتني افكر
    امممممممممممم كدة يعني مش عارفة لية اول زيارة ليكي تكون بالسوداوية دي , شيلي اللون الاسود افتحي الشبابيك نوري كل اللمبات افتحي قلبك واحساسك ولو حد خانك مش انت اللي غلطانة ولا الخسرانة انت المستفيدة وبالعكس هتفغهمي وتعرفي وتحبي تاني ومتزعليش علي شيء راح اكيد جاي احسن منه , بجد زيارتي الاولي ليك علي السريع عشان المذاكرة بس اوعدك ازورك تاني عشان اشوفك منورة

    ردحذف
  18. mohemed ghalia
    اهات تنفيس عن حال الزهق واخراج قوة رفض للواقع اللى مبقاش كويس
    بس اكيد مش جوايا بس دى داخل كل انسان دلوقتى انه يجى عليه لحظه يبقى عايز يصرخ
    تحياتى

    ردحذف
  19. شيما
    هههههههه منها لله خلصت عليه الامتحانات
    متخافيش عليه ياقلبى دى اه من قلب الحدث ومفيش حد مزعلنى لانى مش بازعل من حد بس اهوه تخاريف فكريه
    وحشتينى ياقمرايه

    ردحذف
  20. الطير العاشق
    فريده وتسلمى يارب ربنا يخليكى ويسمع منك يارب
    يا جميله

    ردحذف
  21. ra7b sal7
    زيارتك مش محسوبه وهتشرفينى تانى
    وربنا يوفقك فى الامتحانت وتخلصى على خيرا نحن السابقون وانتم اللاحقون
    ومتخافيش ياقمر انا محدش لا خانى ولا انجرحت انا مازال قلبى صفحه بيضاء ولكنها افكار من وحى مااراه واسمعه واتاثر به ليس الا
    ميرسى ليكى اوى وربنا معاكى

    ردحذف
  22. اه ياقلبى
    جواك مواجع
    وحب مفارق ومش راجع
    اه ياقلبى من قوله اه
    اه ياقلبى من حب بتتمناه


    كلماتك جميله وبسيطه

    تحياتى

    ردحذف
  23. ايمي حبيبتى
    يارب ماتقولي الاه دى ابداا ولا تمري بالي مكتوب ده ابدا
    بجد مش عارفه اقولك قد ايه كلامك بجد جميل قوي
    ويتحس قوي
    وااااااااه لما الي يحسه حد مر بيه
    بجد حلو اوى
    دمتى حبيبتى بكل خير وحب يارب

    ردحذف
  24. لاسع افندى
    لو قلنا وحكينا عن كل القلوب مش نقدر نحكى ونوصف قد ما تحكى وتوصف العيون
    ميرسى اوى
    تحياتى

    ردحذف
  25. اميرة الاحلام
    بجد كلامك واحساسك هو اللى جميل
    والفراق والعذاب وقوله اه بقت مقدرة
    ومكتوبه على الجميع
    ربنا مايديم عذابها لحد
    ميرسى ليكى ياقمرايه

    ردحذف
  26. الله عليكى بحد شعر اكتر من رائع مليان عواطف جياشة واحاسيس صادقة ولون الحزن هوا السائد ودايما اصحاب الحزن اصحاب احساس عالى
    تحياتى ليكى

    ردحذف
  27. الارموطى
    ميرسى اوى لزيارتك وتعليقك
    فعلا الحزن بقى سائد والفرح بقت لحظاته قليله
    تحياتى

    ردحذف
  28. sharm
    ميرسى اوووى
    تحياتى

    ردحذف
  29. قطعى قلبى .. بس حلوة .. بس ليه كدة .. إيه الآهات الكتير دى .. دى بتوجع القلب

    ردحذف
  30. ام بوبه
    سلامه قلبك من التقطيع
    وميرسى ليكى اوى اهى اهات تنفيس عن حالات زهق لناس كتير بس هو القلب موجوع موجوع ودايما بيشكى من كتر الدموع ولا له دواء ولا يقدر عليه حتى طبيب القلوب
    ههههههههههه بس انا تمام هى خيالات فكريه بس
    مع خالص حبى وتقديرى

    ردحذف
  31. ya gmdaaaaaaaaaaaaaaaaaaaaaaaaaaaaaaa

    ردحذف
  32. الله عليكي يا ايمي جامده اوي بس مؤائره للغايه

    ردحذف
  33. بحبها بحبها وقلبى ساكن قلبها

    ردحذف

قول اللى فى قلبك