ياميت ندامه...

ياميت ندامه

ويالف خسارة

وياحسرة على الثقه اللى بتضيع هدر

غدرت والغدر طبع فيك

وانا بطيبه قلبى مسلمه

خونت والخيانه فى دمك

وبعقلى وروحى مسلمه

اتصدمت كتير فيك ووجعت قلبى بحيرة عليك

ولحظه كنت فيها واثقه فيك

لابس قناع وعامل شريف وصاحب مبادىء

وانت اصلك ومن جواك من غير اخلاق

صاحب زيف وكلام كتير مالوش معنى

ولا رابط يجمعنا

صدقت وصدقت انك طيب وباخلاقك مسامح

وللخير بتسعى

كدبت وضحكت على ناس كتير وعامل للحب والاخوة ميت معنى

صدقنى مش هابكى ولا اندم عليك

لان اللى زيك دمع عينى خسارة فيك

اتكشفت حقيقتك

قناع مزيف يخدع كثير ونجهله فاشخاص يمثلوا امامنا ملايكه

وهم اكتر من الشياطين

تعليقات

  1. ايمى الجميله ..
    ايه الكلام الجميل اوى ده
    ياااااه يابنتى كتير قوى بتخدعنا طيبه قلبنا في ناس ما يستهلوش الصوره الحلوه الي بنرسمها ليهم
    بس كويس ان الاقنعه بتقع وبنكتشف الحقيقه
    كلامك حلو موووت يا جميل
    ربنا يوفقك يارب يبعد عنك الناس المزيفه
    مع خالص حبي ياقمر

    ردحذف
  2. تصدقى بقالى تلت ايام باجى هنا تلت او اربع مرات فى اليوم احاول اعلق و مافيش فايدة زى ما يكون نظام التعليقات مهنج

    بس الحمدلله اخيرا استجاب

    فيه ناس كتير بنبقى فاهمينهم ملايكة و شايفنهم فى صورة جميلة اوى لان عقلنا حب يصورلنا ده فى الوقت اللى ناس غيرنا حوالينا بيبقوا شايفين الحقيقة و ينصحونا و احنا بنبقى معمين

    ده شىء صعب اوى بالذات لو تم اكتشافه فى حد قريب او أصبح قريب مننا

    ربنا دايما يحميكى منهم

    ردحذف
  3. اميرة الاحلام وحشانى اوى
    مش بتظهرى ليه ومواضيعك فين
    عندك حق احساس فظيع لما تحسى انك مخدوعه
    من ناس بتحبيهم وخاصه لما تعتبريهم مثلك الاعلى ولا غبار عليهم وفجأه تحسى انك اول مرة تشوفيهم بتندمى ميت مرة انهم موجودين غصب عنك فى حياتك وغصب عنك تتغاضى عن افعالهم او قناعهم اللى بيحملوه زى مابيقولوا من بره هله هله ومن جوه يعلم الله
    مع خالص حبى وحبى ياقمرايه

    ردحذف
  4. عماااله أقرأ علشان بس استوعب كلامك الجميل ده
    بجد حاجه وحشه وصعبة اننا بجد نحب حد وبكل مشاعرنا نكرسها ليه وفي الاخر نقابل قناع مش اكتر مخبي قلب قاسي أو مخادع

    صعب قوي بجد ع القلب الطيب
    تسلمي علي كلامك ورقتك وقلبك الطيب

    وتسلمي بجد لان الشخص لازم يكون عارف ان ده حد مايستاهلش دمعه واحده بس

    كل حبي وتقديري

    ردحذف
  5. tears
    ولا يهمك ياقمر تلاقى النت ضعيف ولا حاجه
    وكلامك صح جدا
    خاصه لما نكون بنحبهم اوى وتسمعى كتير وتفوتى وتشوفى بعنيكى ومش تصدقيها
    بس فى الاخر يبقى الغلط علينا ان حبك ده بيعميكى انك تشوفى وتعرفى الاخلاص من الزيف احساس صعب فعلا
    مع خالص حبى وحبى

    ردحذف
  6. الطير العاشق
    فريده احساس صعب وجرح بيفضل معلم العمر كله
    كأنك كنتى فى حلم جميل وصحيتى فجأه انك فى كابوس مش عارفه تخرجى منه وفعلا دموع عنينا خسارة فيهم بس غصب عن الانسان انه يحجر قلبه ومشاعرة ويعدى اى شىء يمر فى حياته بالساهل وتكتشفى ان طيبتك هبل وانها مالهاش مكان
    ربنا يبعد عنكم الاحساس ده يارب
    مع خالص حبى وحبى

    ردحذف
  7. والله وانتى كمان وحشانى جدااا
    وقلقت عليكى لما ما لقتلكيش تعليق عندى على اخر حاجه كتبتها من كام يوم كده
    ولسه شايفه موضوعك ده انهارده عندى والله
    يارب تكونى بخير
    وربنا يحميكى ياحبيبتى ويحفظك من كل شر

    ردحذف
  8. اميرة الاحلام
    معلش النت كان عندى وحش خالص
    واسفه معرفتش اعلق غير متأخر
    ربنا يخليكى يارب

    ردحذف
  9. ايمى...يارب تكونى بخير
    بنحط ثقتنا فى ناس كتير...يمكن شكلهم بيخدعنا..يمكن كلامهم بيأثر فينا...يمكن برده تسرع مننا...أو يمكن حتى اننا محتاجين فعلا نثق فى حد...ما هو مش ممكن طول الوقت هنعيش مش مصدقين كل اللى حوالينا كدة
    بس فى الآخر برده بننخدع فى الناس... أو ربنا بيفوقنا من الغيبوبة اللى بنبقى مصدقينها

    عندنا ازمة ثقة

    شكرا البوست الحلو ده...وربنا يقرب منك أهل الثقة ويبعد عنك كل المخادعين
    دمتى بألف خير يا ميمو

    ردحذف
  10. شيماء
    عندك حق فى ازمه ثقه وانحطاط اخلاق كمان
    بس لانك كل اما تعيشى اكتر كل اما تكتشفى انك مخدوعه وان مش دول الاشخاص اللى تعرفيهم وبتحبيهم وتنصدمى بقناع مزيف بيحملوه على وشوشهم
    او يمكن لفترات مش مصدقه انهم مش كويسين او مش عارفه تصدقى لانك بتحبيهم
    ربنا يبعدك عن الصدمه دى
    تحياتى وحبى

    ردحذف
  11. حقا دموعنا الصادقه اغلى بكثير من ان تزرف على مشاعر زائفه


    تحياتى

    ردحذف
  12. كلام صعب قوى فعلا

    الغدر اصعب حاجه ممكن نتخيلها
    لان الثقه احسن حاجه بنعملها لشخص غريب
    فانو يردلنا الحكايه دى بقلم

    دى تبقى خنجر

    ردحذف
  13. اصعب حاجه فى الدنيا بتوجع هى الغدر
    بس الانسان مش بيتعلم بالساهل

    ردحذف
  14. انا تقريبا اول زياره ليا برغم اننا تقريبا جيران :)
    المهم كلماتك بجد صعبه اوى
    الغدر اصعب شىء ممكن الواحد يواجهه
    والمهم اننا نتعلم
    تحياتى

    ردحذف
  15. لاسع افندى
    مش يستاهلوا دموعنا عليهم
    او لحظه تفكير فيهم
    بس غصب عن الانسان انه بتصدم لما يحس انه مخدوع
    وعايش فى كذبه اكيد بيتأثر
    تحياتى

    ردحذف
  16. سيكو
    فعلا يريت حتى خنجر ممكن نتعالج منه
    ويروح المه
    دا مرض مالوش دواء بيسيب اثر العمر كله
    تحياتى وميرسى

    ردحذف
  17. qlp7zen
    فعلا الانسان مش بيتعلم بالساهل بس برضو لسه قلبنا طيب
    اه بنقسى يومين ونرجع تانى نتخدع
    ميرسى لمرورك
    تحياتى

    ردحذف
  18. عايش ولكن
    نورتى بزيارتك وكويس انى باتعرف على جيرانى
    وياريت الكلام يخفف جزء من الالام
    ميرسى لمرورك

    ردحذف
  19. رفقا بنفسك صغيرتي فما من رجل الا يحمل بين طياته طابع الخيانة الا ما رحم ربي

    رفقا بنفسك فحين لا يكون هناك ضمير للحب تختل كل الموازين ومخطئ من توهم بالحب

    اسعدك الله

    ردحذف
  20. لحظة من فضلك... لكل اللى سادد ودانه
    http://www.facebook.com/topic.php?topic=12498&uid=247781834773#!/topic.php?uid=247781834773&topic=12498

    ردحذف
  21. احمد الصعيدى
    عجبنى تعليقك اوى
    فعلا يظهر بقا طبع فى معظم البشر
    او يظهر مشاغل الحياة خلتهم بقوا كده
    تحياتى

    ردحذف
  22. سمر
    يشرفنى ان ادخل انضم واقرا الموضوع ومش هسد ودانى
    ميرسى ليكى اوى

    ردحذف

إرسال تعليق

قول اللى فى قلبك

المشاركات الشائعة من هذه المدونة

صمتى

اه ياقلبى