(دويتوووووووو) اه واه واه من الفراق لما يتفرقوا الاحباب


هو::: انا مفارق ..وفى حبك انا دايب

هى:: مفارق وفى حبى دايب !!

هو :: مش بايدى غصب عنى

هى:: تبيع حبى وتختار بعدى ومش بايدك
ازاى انا هونت عليك تكسر قلبى باديك

هو:: ارحمى بعدى انا ماليش حياه بعدك

هى :: كنت نايم وصحيت
كنت حلم وبقيت ....... واه

هو:: مش بايدى غصب عنى
سعادتك اهم منى

هى : امشى بعيد عنى
ارحم كفايه قلبى

هو:: حبيتك ولحبك انا باقى
وحياتك عند ابقى

هى:: ابعد عنى وسبنى
دموعى اقوى منى

هو:: دموعك نار فى قلبى
وحلمك هو حلمى
غصب عنى مش بايدى
اختار سعادتك مش سعادتى
ولحياتك ابقى ذكرى

هى: من صعفى منك انا مسامحه
وبقلبى الجرح هيبقى

تعليقات

  1. طيب اقول اللى فى قلبى ازاى
    وقلبى وجعتيه بمشهدك دا
    ايه اللى يخلى حد بيحب حد بيحب حد يبعد عنه مهما كانت الاسباب
    وليه نفضل شايلين فى قلوبنا جراح متنتهيش ونعيش نتألم بيها

    ردحذف
  2. سلبية مفرطة لعشق ياهت وعاشق جبان

    أعتقد ذلك

    اسعدك الله

    ردحذف
  3. رائعة

    تسلم ايدك

    تقديري

    ردحذف
  4. سكره
    سلامتك قلبك يارب
    يالهووووووووى احنا عندنا كام سكرة
    اوقات بيتخيل انه لو فضل مكمل معاها مش هيسعدها وانه هيعذبها سواء بظروف صعبه سواء بمشاكل محيطه بيهم
    فبيختار انه يبعد عنها علشان تلاقى السعاده بحياة افضل وانه سعادتها اهم من سعاده وهو جمبها وشايفاها بتتعذب (تضيحه )
    تحياتى وحبى

    ردحذف
  5. احمد الصعيدى
    عندك حق بس احيانا بنضحى بسعادتنا علشان نشوف سعاده غيرنا اللى اكيد هتسعدنا
    زى اللى بيتبرع بكليته علشان حياة شخص تانى وهو يعيش بواحده فقط ولكن مكان الاخرى انه يرى حياة فى الشخص اللى اتبرع له وهنا حقق جزء من السعاده مهما كان فى عذاب للاتنين
    مع خالص تقديرى

    ردحذف
  6. امل حمدى
    ميرسى ليكى ولتشريفك
    تحياتى

    ردحذف
  7. ايه الواد ده مش فاهمة عايز ايه يعني ؟؟؟؟؟
    يعني البت تعمل معاه ايه ؟؟؟
    تولع في نفسها يعني علشان يفضل معاها ؟؟؟
    ايه الرجالة الهبلة دي اما صحيح شغل عيال
    هههههههههههههههههههههههههههههههههههههههههه

    ايه يا ايمي المشهد ده انا كنت بهزر طبعا
    بس بجد المشهد ده موجود كتير اوي في حياتنا و حوالينا

    ربنا يسعدك يا قمر بجد و تفرحي دايما باغلى انسان و يقدر قيمتك بجد يا قمراية
    مع خالص حبي و حبي ليكي

    ردحذف
  8. مها
    هههههههههههههه شباب اخر الشهر يااوختى
    فعلا كل اللى مش بايده حيله يضحى ويجرى ويسيب اللى وراه متعلق باماله واحلامه ويدمره بعد مايكون بنى مستقبله عليه
    ربنا يبعدنا عن الازمات دى
    مع خالص حبى وحبى

    ردحذف
  9. انا مثلها محتارة كيف يحبها ويقرر البعد هذان امران متناقضان كيف اجتمعا فيه

    ردحذف
  10. خواطر شابه
    فعلا عندك حق ...دا اللى اكيد معذبها ومحيرها فى قرارة بس بيقول انه بيدور على سعادتها وراحتها
    شايف انه معاها هيدمرها ويضيعها فى حياته
    تحياتى ياقمرايه

    ردحذف
  11. وحلمك هو حلمى
    المفروض مدام اللى فوق ده موجود فيكم انتم الاتنين
    يبقى مش فى فراق

    ردحذف
  12. صباح الخير يا miss zagazig

    هو عنده فيروس سي ولا ايه

    مش عارف ليه حسيت بكده وهو بيقولها ابعدي عني

    يا اما هو كان عارف ان عندها جذام وقال اقلب بدري بدري
    البوست موصفش ايه سبب بعدهم المرضي
    ارجو التوضيح ولا هو عايز يقلب وخلاص؟؟؟؟؟؟

    ردحذف
  13. رز وملوخيه
    ماهو خد على ان الفراق من طبع الاحباب اكيد كله عارف ظروف الشباب انا تخليى انه كل هيفهم كده
    تحياتى

    ردحذف
  14. هى وظروفها
    هههههههههه لو انت شاب هتعرف السبب فى فراقهم
    لان الشباب دلوقتى بتحب ومش قادرة على مسئوليه فتح بيت وتكوين اسرة لان الظروف صعبه فبيبعد علشان تشوف حياتها ويشوف السعاده الا فى عنيها
    على اعتبار ان لسه المشوار قدامه طويل
    افتكرت ان كله هيفهمه علطول لان تقريبا معظم الشباب مدمر ومش قادر يكمل يحب وبقوا حتى خايفين يحبوا لانهم مش قد الحب ده....قال حزام قال هههههههههه
    تحياتى

    ردحذف
  15. همس رائع وراقى غاليتى


    وما راقنى هنا هو تضحيه الحبيبه


    بانها رغم انها صارت زكرى


    تتمنى لحبيبها السعادة


    دمتى بخير


    تحياتى

    ردحذف
  16. ايمى....أخبارك ايه يا جميل....
    حلو البوست الواقعى ده...احنا لما بنكون جوا الموقف بنبقى مستغربين أى قرار وبنقول ليه يا ترى ده هوه بيحب وهيه بتحب يبقى ليه هيبعدوا؟؟....عشان فيه حاجات تانية هيشفوها لما الموضوع ينتهى هتبقى الرؤية أشمل وأوضح
    خاااااااالص حبى وتقديرى يا ميمو

    ردحذف
  17. جايدا العزيزى
    فعلا الحيب بيضحى علشان سعاده حبيبته بس ساب فيها الام وجرح نفسه علشان يشوف فرحه فى عنيها
    ربنا يبعدنا عن المواقف دى
    تحياتى

    ردحذف
  18. شيماء
    انا الحمد لله ياقمرايه انتى عامله ايه يارب تكونى بخير
    تصدقى اوقات كتير بنشوف حب بيستمر سنين وينتهى فجأه ويضيع امال واحلام اتبنت بس نرجع فى الاخر ونقول النصيب وبدون ما يكون فى اسباب النصيب فعلا ربنا يبعد عننا الازمات دى
    مع خالص حبى وحبى وحبى

    ردحذف
  19. جميلة اوى تلك الرومانسية فى التعبير خاصة اذا استطعنا الحفاظ عليها

    دمتى بحب دائما
    :)

    ردحذف
  20. tears
    عندك حق جميل اننا نكون رومانسيين بس لو قادرين نحافظ على الرومانسيه دى لاننا لو مش حافظنا عليها هضيع زى ماحاجات حلوة كتير بتضيع وتضيعنا جوانا
    تحياتى ياقمرايه

    ردحذف
  21. لو كان بيحبها بجد مكنش سابها ..

    ردحذف
  22. hager za3bal
    اولا ميرسى اوى لزيارتك ليا واتمنى انها تتكرر
    ثانيا عندك حق بس احيانا بيعتقد الحبيب ان الحب انه يضحى بسعادته علشان غيرة ودى تعتبر اسمى معانى الحب
    تحياتى

    ردحذف
  23. جمليه اوووووى ايمى فعلا فى ناس كتير بضحى بالحب عشان خاطر اللى بيحبوهم والانسان اللى بيحب بجد لو لقى ان بعده عن حبيبه فى مصلحه ليه بيبعد لانه وقتها مش بيفكر غير فى حبيبه ومصلحته
    تسلم ايدك
    تقبلى مرورى
    صديقتك رووووغا

    ردحذف
  24. حلو البوست ده اوى يا ايمى يا حبيبتى
    وواقعي لان مش لازم فعلا اى اتنين بيحبوا بعض انهم يفضلوا مع بعض في ظروف كتير ممكن تفرق بينهم ويسيبوا بعض وهما بيحبوا بعض
    ربنا يوفقك ياقمر يارب
    ويسعدك دايما يا حبيبتى

    ردحذف
  25. روغا
    ههههههههههه حبيبتى عندك حق والله
    واوقات بيبقى النصيب يفرق بين الاحبه من غير اسباب
    كله مقدر ومكتوب
    تحياتى وحبى

    ردحذف
  26. اميرة الاحلام
    اولا وحشتينى اوى ووحشتنى بوستاتك
    فينك مختفيه ليع
    وعندك حق دا اللى اقصده مش معنى ان اتنين اتفرقوا ان فى غلط من طرف فيهم اوقات الظروف بتدفعهم ان خلاص مفيش حل غير كده والنسيان نعمه من عند ربنا قادر ان يمحى اى ذكرى او على الاقل يخدرها مش يمحيها
    تحياتى ياقمرايه

    ردحذف
  27. ايمي

    بجد تسلمي علي كلامك وحوارك الرائع ده

    بس بجد ليه اخترتي الفراق رغم وجود الحب بين الطرفين وليه رغم حبه ليها فضل يفارقها ؟

    بجد من كلامك في أسئله كتير نسألها عن الناس دي

    بحبك ومقدرش أعيش من غيرك بس مش هنقدر نكمل ونون لبعض

    تقبلي تحياتي يا قمر

    ردحذف
  28. فريده
    وحشااااااااااانى مووووووووووت
    فعلا انا قصدت كده بالرغم من كم الحب اللى بينهم ميقدروش يكملوا وبقت معظم قصص الحب الايام دى بتنتهى كده لان الظروف بقت بتبعد اكتر ما تقرب وده لان الطرف التى مش عايز الطرف الاول يستناه سنين يكون نفسه ويعذبه معاه واكتفى بانها تتعذب وقت قصير وتنساه عن انها تعيش عمرها تتعذب جمبه وهو مش قادر يعمل حاجه تقربهم من بعض فبكتفى بانه يتعذب وهى بعيده عنه ولكن اللى يصبره انها هتبقى سعيده ومش هتضيع سنين من عمرها تستنى ظروفه تتحسن
    دا اللى بقا بيحصل دلوقتى احلام بتضيع وحب وامل فى عش صغير يجمعهم كل ده بيضيع وهو عمل انه مش عايز يتعسها معاه
    مع خالص حبى وحبى

    ردحذف
  29. كلماتك جميلة ومعبرة
    احيانا الفراق بيكون الخيار الافضل
    تحياتى لك

    ردحذف

إرسال تعليق

قول اللى فى قلبك

المشاركات الشائعة من هذه المدونة

صمتى

اه ياقلبى