25 مايو، 2011

من النهارده


من النهارده راح ادافع
راح اصرخ
راح اقاوم واصد
مش راح ابكى
واستسلم
من النهارده قفلت باب الاحزان
وفتحت شباك الفرح
حتى لو قليل
لو نسمه مع طيف برد الجو
لو لحظه بتمر ف العمر
راح اخليها سنين وانسى بيها الاسى وافتكر الحنين
من النهارده
انا قلت خلاص هبدأ واكون انسان
واملا الدنيا ورود
وازرع ف القلوب محبه
واكون جديد مولود
ف سبوعه نور الشموع
تنور لى الطريق
ف قوله الله اكبر
تزيد ايمانه
وتدعم خطانا
فى صوت جرس الكنيسه
ودقه الصليب
نكون اخوه ف الله
ف المحبه
دين الحب والاحترام
مهما كان مين وجنس ودين الانسان
من النهارده هاكون انا واخواتى
وجيرانى واحبابى
واصحابى واهل بلادى
ايد وحده
مش اكون انا وخلاص
من النهارده
من النهارده
هقول يارب دايما
وذكره مش يفارق قلبى
من النهارده حياة جديده
قلب سعيد
وحب جديد
وعهد مديد
بالامل والامن والامان
..............................................................
النهارده يوم نجاحى
وبكره يقرب فرحى
بدعى ربى يرضى عنى
وتتحقق امنياتى
يارب يارب

هناك 5 تعليقات:

  1. يا رب ديما في نحاج
    وتفائل
    وربنا يسعد ايامك كلها يا رب
    تحياتي

    ردحذف
  2. تفاؤل

    أمل

    تمرد على الواقع

    بنا يوفقك

    شكرا شكرا

    ردحذف
  3. آمين يارب...حلوة اوووي

    ردحذف
  4. مش اكون انا وخلاص
    من النهارده
    من النهارده
    هقول يارب دايما


    كلماتك بسيطه ولكنها مؤثره جدا
    شكرالك

    ردحذف

قول اللى فى قلبك