اختلافات

كتير مختلفين
تيارات واتحادات
اسرة واحده
بيت واحد
مفكك من جواه
لمين راى
وسياسه
ياترى دا بقا طبيعى ولا لاء
ناس بتهتف وتقول فلسطين
وفداكى يااقصى
وتقول يلا للجهاد
افتحوا لنا باب الجهاد
طلبه ومحتارين
فيهم افكار وبيسعوا للتغيير
وشباب تانيه وافقين ومبلمين
اغانى وحورات
افكار واشتغلات
خلييك كووول ومتخننقناش
ودماغهم ازاى يمشى مع الموضه
تقولش الموضه هطير ولا ايه
ولا ازاى اوقف شعرى وابقى سبايسى
وشباب عايش وخلاص واقف وبيتابع الاحداث
خايف يدخل هناك فيينداس
وخايف من السبايسى
ليضيع وسط الناس
ياترى انهى فكر صح
امشى مع الموضه
ولا اروح مع التعصب والتغير
ولا اقف مبلم ومش اغير
حيرة وكله فى عالم غير التانى

تعليقات

  1. اول كرسي بسرررررررررررررررررررعة

    ردحذف
  2. يااااااااااه وحشتني الكراسي الاولانية من زمان ما قعدتش عليها
    اقرا بقى و ارجع و اديني حجزت تاني كرسي لاحمد

    ردحذف
  3. الله الله على الكلام الجميل ده

    و مش هينفع ارد عليكي لاني بردو في حيرة و مش عارفة

    دنيا بجد متعبة مهلكة و خلاص بجد احنا فاااااااااااض بينا يا ناس و الله

    تعبنا و بنقول يا ريت ربنا يرحمنا منها
    بس هنقول ايه هي دار اختبار يعني شرط ان الناس علشان تعيش ما تبقاش مرتاحة لان ده الاختبار

    يا رب ننجح في الاختبار و نكون مع المصطفين الاخيار


    خالص تحياتي و تقديري و حبي و حبي

    ردحذف
  4. الوسط كويس
    كده تطرف وكده تطرف


    تحياتى

    ردحذف
  5. بجد ياكوكو كلنا بنقع بنفس الحيره دى ...

    بس راح اقولك احسن شى الواحد مايكونش يبص للحواليه كتير عشان راح ننحول ..
    كونى انتى وبس واعملى اللى عقلك مقتنع بيه وبس وكل ده اهم شى يكون فى رضا رب العالمين ...

    لان بجد بجد الدنيا بقت مليئه بحاجات تخلى الواحد من كتر التفكير مش عايز خلاص يفكر او حتى انه يتبع حد ...

    مافيش احسن من القناعات الشخصيه المبنيه على اساس سليم ...

    بجد تسلمى على طرح الموضوع المهم ده ...

    ... ;) ,,, ;) ...

    ردحذف
  6. ححاولى تشغلى عقلك و تفكرى و تستفيدى من كل اللى حواليكى سواء اتفقتى معهم ام اختلفتى
    و صدقينى حتلاقى نفسك اتعلمتى كتير جايز متشوفيهوش النهارده بس اكيد حتحسى بيه بكره

    ردحذف
  7. ابتعد عن الفتن .. وليسعك بيتك

    اغمضي عيناك ليس لسلبية ولكن التخبط كثييييييييير
    لدرجة انحصار الفكر والايجابية

    ردحذف
  8. طبيعى ان تجدى اختلافات و تعدد لان شخصيات البشر مختلفه و لكن استخدمى عقلك و ما يستهوى عقلك افعليه فهناك من لا يفكرون سوى فى كرة القدم و هناك من يهتموا بالموضه او العمل المجتمعي و هناك....و كذا....

    ما ينفعش حد يقولك حبى ده او ده افضل لان دى حاجة نابعه من عقلك و شخصيتك و ان كنتى لا تشعرى بشىء فهذا معناه انك مازلتى فى مرحلة تكون هذا العقل و تلك الشخصية فلا تتعجلى و مادمتى واحدة من أمه أقرا فحاولى ان تتجهى للقراءه فلعلها تنير عقلك و ترشدك

    أهم شىء عقلك فهو تاجك ان تخليتى عنه فقدتى عرش انسانيتك...لا تسيرى مع القطيع


    دمتى بخير

    ردحذف
  9. ايمى حبيبتى ...
    الاختلافات دى طبيعيه وموجوده بين كل الناس
    بين العيله نفسها والاخوات هتلاقي ان فيه اختلافات محدش زى التانى لكل واحد فكره وثقافته المختلفه عن الاخرين بس المهم اننا نتبع الصح ونعمل الصح الي يناسبنا احنا
    مع ارق امنياتى لكى بالسعاده ياقمر

    ردحذف
  10. السلام عليكم

    بيقولوا الاختلاف ده سنه الحياه
    بس هنا يقصد بالاختلاف اللى هى الفروق بين البشر
    بس المفرضو فى المواقف الانسانيه يكون فى توحد الى حد ما فى الفكر ورد الفعل والخ

    احنا فى زمن عجيب
    مش تستغربى من الاختلاف اللى بالشكل ده

    الاعجب بقى من كده هو التناقض
    تلاقى الانسان من برا حاجه ومن جوه حاجه تانيه او تلاقيه بخمسين وش
    ده بقى مصيبه لوحده

    ردحذف
  11. مووها
    ههههههههههههه بتضحكينى والله مع انى هطق من اللى حواليا
    بجد بقت مشكله صعبه جدا
    نازله الجامعه وفى مظاهرة اخوان
    ومطالبه بالجهاد
    وفى نفس ذات الوقت خدى بالك انتى
    فى معرض وشباب رايقه وحاله فل
    انا وقفت اتفرج واتأمل
    ياترى احنا مع مين
    بقينا عاملين زى اللى بيرقصوا على السلم للى فوق شافوهم ولا اللى تحت سمعوهم
    حاجه محيرة اوى

    ردحذف
  12. لاسع افندى
    تطرف وروشنه اخر حاجه ازاى دول مع بعض
    نعمل ايه يعنى اهو بقينا نتفرج
    تحياتى

    ردحذف
  13. غاده
    وحشتينى اوى فينك يابنتى
    بجد والله حتى العقل بيتسمم بالافكار اللى حواليه
    لما تكونى قاعده وفى حالك وتلاقى وحده متعرفهاش منقبه
    تيجى تتكلم معاكى وتنضمى ليها مش عارفه لاسرة ايه
    وتقعد تحكى عن حاجات لازم نعملها
    كلامهم بيقوا مدربين كلامهم زى السحر
    كنت باشوفهم بيعملوا تجمعات ويفضلوا يتكلموا
    حاجات غريبه فعلا
    مع خالص حبى وحبى

    ردحذف
  14. صيدلانيه طالعه نازله
    المشكله انك لما تعرفى ان حد سمع لهم وكده
    انسى ماتلاقيش عقله زى سحابه الخيط فى البكرة
    بتتسحبى وراهم من غير ماتحسى بجد
    دا منتشر وباشوفه واقابله بام عينى
    فباكتفى انى اتفرج والغى عقلى علشان مش اتعب
    تحياتى ياحبى

    ردحذف
  15. احمد الصعيدى
    دا فعلا اللى بعمله باكتفى انى باتفرج من غير مااسأل لانى لو تعمقت هتخبط بالافكار وهاتعب
    تحياتى

    ردحذف
  16. تيرز
    بجد انا بخاف استخدم عقلى فى مقاومه افكار التطرف
    لانهم ليهم سحر غريب يشدك
    باسم الدين والاسلام اكيد كلنا بنحب ربناونتمنى رضاه
    بس مش بالتشدد ده
    اكيد فى طرق ووسائل تانيه للتغير والاقناع غير اننا نستهوى الحكايه ونجر ناس معانا ندمر فكرهم ويبقوا تابعين لحد
    لمجرد انهم يقولوا هنخرب يبقى سمعا وطاعا هنخرب
    دنيا بقت احوالها متلخبطه بجد
    ربنا يرحمنا

    ردحذف
  17. اميرة الاحلام
    اكيد فى كل بيت كل واحد له فكره
    بس فى النهايه مطره تسمعى له وتتاثرى بيه
    وممكن كمان تجاهدى لتغيره
    بس اللى حواليكى
    ناس وظروف وحركات مضاده ومصالح اللى انتى مش مجبرة انا تفهمى كل شىء او تغيرى فكر اللى حواليكى وتخليهم بطريقه مثاليه
    لاء بقا اللى حوالى بيفرض رايه من غير اى استشارة
    وتلاقى نفسك جوى فكر انتى مش حباه وتتعبى علشان ترجعى عقلك اللى كنتى تعرفيه يبقى تعب وحيرة ولا لاء
    بس الحمدلله ربنا بيسترها واهوه مرة فوق ومرة تحت مش تطرف ولا اى شىء

    ردحذف
  18. ريمان
    بجد مفيش حيرة ان يكون ف اختلاف
    بس لما يكون اختلاف طبيعى مش تباعد بين افراد المجتع
    اكيد كل شخص بيعامل ضميرة هيحكم عقله وفكره زى ماهو متعامل بيه بدون ان يتقلب فى شخصيته
    زى اللى بيكلم عن بر الوالدين وينصح
    وهو بيعاملهم فى بيته بالقسوة
    شوفتى الفرق بيبقى كبير جدا احيانا بيكون نافع انه بيقنع الاخر بشىء مفيد بس من جواه هو مش صح وانه شخص سيكوباتى
    تحياتى ياقمرايه

    ردحذف
  19. الإنسان هو كل هذا وفى كل لحظة نعيش احساس ونعيش فكرة ندافع عنها ونتعصب لها ثم نجرى نمرح ونضحك وتاخدنا لحظة الم فنبكى .. كل ده هو احنا ومش ممكن نعيش حالة واحدة وبس لكن كل اللحظات جوانا للأبد

    ردحذف
  20. ميمو يارب تكونى بخير
    لأ متروحيش لا مع السبايسى ولا مع التعصب.. خليكى وسط... ظاهرة صحية ان يبقى فيه "الاختلاف فى حد ذاته" بس فى نفس الوقت أنا مبسوطة ان بقى عندنا حراك شوية على الأقل الناس بقت بتعترض لو فى حد مضايقهم فى شغل ولا مصنع

    بس يا خوفى بقة من الحاجات التانية اللى شغلنا بيها...زى الكورة..وأنفلوانزا الطيور والخنازير...و..و... وكل الحاجات اللى بيشغلونا بيها شهور طويلة عشان منشفش البلد فيها ايه
    بيعجبنى تفكيرك بالرغم من سنك الصغير
    بالتوفيق

    ردحذف
  21. الله يعطيك العافيه ياالغالية

    على ماتنثرينه من درر مميزة

    دمتي بخيرر

    ردحذف
  22. السلام عليكم

    مفيش احسن من الوسطية
    الاعتدال فى الاشياء دايما بيكون الافضل

    ردحذف
  23. قل لمن يحمل هما أن همك لن يدوم .... مثلما تفنى السعادة كذلك تفنى الهموم
    تحياتى ومودتى يا عسل

    ردحذف
  24. ايمي موني

    كلام كبير وموضوع أكبر في حيرته
    وطبعا من أي مجموعه احنا منها ولا عارفين
    تسلمي علي كلامك

    كل حبي واحترامي

    ردحذف
  25. عمال اسمع الأغنيه و كل ما تخلص أكررها تاني

    تحففففففففه بجد

    ربنا يخليكي

    نيجي بقا للتعليق .. من الطبيعي ان نختلف .. لكن من المهم ألا ينكر أحدنا على الآخر طبائعه و اهتماماته مادامت في إطار الأخلاق و لم تخرج عنها


    مدونتك أكثر من رائعه .. اعذريني على الزياره السريعه لكن جاي تاني :)

    و يا ريت تنوريني انتي كمان هنا

    http://ahmedabdulmohsin.blogspot.com/

    ردحذف
  26. أزال أحد مشرفي المدونة هذا التعليق.

    ردحذف
  27. رايي ان الاعتدال كويس
    وزى ما بيقولو لولا اختلاف الاراء لبارت السلع
    يعنى الاختلافات موجودة وطبيعى انك تلاقى المجتمعات فيها كل الاهتمامات والافكار


    تحياتى

    ردحذف
  28. أزال أحد مشرفي المدونة هذا التعليق.

    ردحذف
  29. مشكور على المدونة الجميلة :) و بالتوفيق دائما

    ردحذف

إرسال تعليق

قول اللى فى قلبك

المشاركات الشائعة من هذه المدونة

صمتى

اه ياقلبى