14 يناير 2010

حدث بالفعل .....وكان اللى كان


اذا بى اخذ ورقه الامتحان

وابدا بـ بسم الله الرحمن الرحيم

وانظر الى الاسئله اجدها بسيطه

واننى استطيع الاجابه عليها

وبدأت فعلا بالحل واجبت

عن اول سؤال وابدا بتكمله الاجابه

ولكنى وجدت نفسى يصيبنى حاله من الغثيان

ووجهى يصبح مصفرا وجسدى مثلج

واشعر بالبروده الشديده ولا تستطيع عينى

ان تقرأ او تجمع ما تراه من حولى

وقلمى يرتعش ودموعى تسقط كالانهار

وقد لاحظ المحيطين بى واذا بالمراقبه

تسألنى ماذا بكى؟؟

ولا استطيع الاجابه

فتسألنى مرة اخرى

فاخبرها اننى بخير ولكنى ف الحقيقه

لا اعلم ماذا بى فكل ما فى عقلى اننا لابد

ان اكمل امتحانى

وتحدثنى مرة اخرى انها يمكنها ان تستدعى احد الممرضات لتلقى عليه نظرة

وتساعدنى ان كنت احتاج لمساعده

او تجعلنى اخرج اليها ولكنى رفضت مكمله امتحانى

ولكن دموعى وهزيانى يسيطر على

واذا بها تساندنى وتقول لابد وان يراكى احد ولا تكملى الامتحان

فانتى مريضه جدا

فاصريت على تكمله امتحانى ولكن حتى الكتابه لا استطيع

فاذا بى يدى تتوقف ولا اقدر على شىء

حتى الحركه و تقم صديقتى محدثتى ماذا بكى؟؟

وتضطرب اللجنه ملهوفه على

وبالفعل ادركت اننى فعلا مريضه وقد اكون افارق الحياة

وابكى واحاول الوقوف ولكنى لم استطع

فتحدثت الى صديقتى كااننى اوصيها وصيتى الاخيرة

واخبرها ان تخبر ابى وامى واخى اننى احبهم من كل قلبى

وان لا يتمادوا فى الحزن على ..واصر ان تخبرهم بحبى الشديد اليهم

وان توصل سلامى لكل اصدقائى

واننى احبهم ايضا

واحدثها بااننى قد اكون افارق الحياه واننى سعيده

فالموت يريحنى ويفرحنى لو كان لى

وانه يجب على قول الشهاده

وبالفعل اقول الشهاده

أشهد ان لا اله الا الله واشهد ان محمد رسول الله

ولكنى لم امت

فحدثتها مرة اخرى اننى لم امت فلا تخافى على فانا بخير

واذا بى ابتسم ولكن لا اقوى على ايقاف دموعى

واخبرها باننى بسبع ارواح

واذا الفظ انفاسى الاخيرة

وافارق الحياة ولكنى احسست بعذاب من حولى ودهشتهم

وحزنهم عليا ...فلا يؤلمنى الموت سوى الالام وحزن كل من يعرفنى

وعلى صدمه ابى وامى واخى لفراقى المفاجىء

وفجأه اسمع صوت الجرس وامى تنادى لى لارى من الزائر

هههههههههههههههههههههههه فقد كنت اتخيل

امى مازالت تنادينى لارى من بالباب

ايووووووووووووووووة حاضر جايه اهوه

مين؟؟

هناك 23 تعليقًا:

  1. يا شيخه حرام عليكي سيبتي اعصابني

    اجري يا بت شوفي مين بيخبط

    كتكو الأرف

    ايه انتي هتمتحني لجايزه نوبل

    دي فلسفه وانتي عندك علم الكلام بالصلاه علي النبي رغايه زي حلاتي

    اقضيها واعملي اللي تقدري عليه

    وسيبي الباقي علي ربنا

    ايه صحيح هتيجي لقاء المدونين بتاع دكتوره ستيته؟؟؟؟؟؟؟؟؟؟

    ردحذف
  2. ههههههههههههههههه ربنا يكرمك ياوليد
    اه عندى علم الكلام بس تصور مش درسته الترم ده
    والله انا كل يوم اعصابى بتسيب وقال وانا بتخيل وعماله اعيط ههههههههههههه اللى يشوفنى يقول البت مجنونه
    وانا والله مسلمه كل شىء لربنا
    بس او الهام جت اطردها يعنى ههههههههههه ووحى ان اكتب واتخيل واعيش الدور شويه
    فين لقاء المدونين وامتى ؟ مش سمعت عنه ؟

    ردحذف
  3. دكتوره ستييته ادخلي عندها تعرفي الميعاد29/1

    لسه محددتش المكان ولا الساعه كام

    ردحذف
  4. يالهوووووووووز كان نفسى بس مش هاقدر عندى امتحانات
    يلا مرة تانيه واكيد انا نفسى معاكم ههههههههههههههه واى حاجه هتوزعوها اعملوا حسابى شيكولا او بنبونى اى حاجه فى اللقاء ده

    ردحذف
  5. تتعوض مره تانيه

    اهم حاجه امتحاناتك وعايزينك تنجزي ام التعليم ده عشان تقعدي علي رواقه ونفرح بيكي ونشوف اللي

    هيدبس فيكي

    شيلي تاكيد الكلمه بتاعه التعليق عندك

    ردحذف
  6. معنديش تاكيد للتعليق
    كمان يعنى الامتحان مش السبب الوحيد
    احنا مجتمع شرقى ياعم ههههههههههههه انا باروح ازور صحبتى باعافيه
    اقولهم اسافر لقاء المدونين دا انا يطخونى عيارين ههههههههههههههههههههه
    وامه داعيه له اللى هيدبس فيا هيدبس ايه هيفوز بيه هههههههههههههههههههههه

    ردحذف
  7. tears
    ميرسى لتعليقك وتشرفيك اوى

    ردحذف
  8. انتي يا بت ...
    اول ما قرات كنت حاسة ان فيه ان في الموضوع
    هههههههههههههههههههههههههههههههههههههه
    يخرب عقلك
    دي ما كانتش حتة كلية معفنة و شوية امتحانات كلها ملي سطور
    هههههههههههههههههههههههههههههه

    ربنا يعدي الامتحانات دي يا حبي و تطلعي منها بعقلك و سليمة يا رب

    مع خالص حبي ليكي يا قمر

    ردحذف
  9. فريـــــــــــــــــدة عـــــاشقة بلا قلب14 يناير 2010 11:14 م

    والله وجعتي قلبي هههههههه ماشاء الله علي خيالك وطلاقتك في الكلام
    الله يحميكي

    ردحذف
  10. هههههههههههههههههه
    يخرب عقلك يابنت ياكوكووووووو ..
    من يوم ماعرفتك وانتى عسوله كده ... احنا بقالنا نعرف بعض من قد ايه صحيح ... متهيألى داخلين على سنتين ...
    والله حاساها اكتر من كده ...

    بس بجد بجد خوفتينى كتييييييير فكرت ده جرالك بجد بعد الشر ...
    بس بجد ابدعتى فى سرد الاحداث ... واول مره افرح كده لما الاقى ان كل اللى كتبتيه ده كان من خيالك ...

    ربنا يوفقك يااااااااااارب فى كل امتحاناتك ...
    وماتخوفينيش عليكى تانى يابنوته انتى ...
    ... ;) ,,, ;) ...

    ردحذف
  11. ميرسى مها ههههههههههههه اكيد فيها انه طبعا قال يعنى هموت انا قاعده على قلبكم هههههههههه طبعا كله هزار كل شىء بايد ربنا .
    مع خالص حبى وحبى وحبى ياموها

    ردحذف
  12. فريده نورتينى يا قمر
    سلامه قلبك هههههههههه خيال يااوختى هواجس امتحانات

    ردحذف
  13. غيوووووووووده حبيبتى والله وانا حاسه انى اعرفك من سنين مش سنتين بس
    ومتخافش عليا ياحبى انا بسبع ارواح هههههههههههههه قرده يااختى لا حكومه تهز ولا امن يوز هههههههههههههههه ربنا يخليكى ليا يارب وربنا يوفقك ف الامتحانات

    ردحذف
  14. ايه الحلاوه دي بس انا افتكرت بجد الكلام ده نايس ايمي

    ردحذف
  15. والله أنا اتخضيت يا ايمى بجد لدرجة انى بقيت أقرأ سطر وأسيب سطر عشان أطمن عليكى
    مااااااااشى مسيرى أردلك الخضة دى
    وبعدين كبرى شوية من الامتحانات دى محدش واخد حاجة فى الآخر
    بالتوفيق ان شاء الله

    ردحذف
  16. ايماااااااااااااااااان

    انتي رحتي في الوبا ولا ايه

    الله يخرب بيت الفلسفه

    انتي مش باينه ليه طمنينا عليكي وربنا يوفقك

    ردحذف
  17. غيبي براحتك بس طمنينيا عليكي وعلي امتحاناتك عملتي ايه

    ردحذف
  18. عذرا عن استخدامى التعليقات لكتابه تنويه و لكن هناك مدون مصري يساعد اخر خليجى للاحتيال و قد وضعت تحديث بكافة التفاصيل على مدونتى حتى يحترس الجميع فبرجاء زيارة الرابط اسفل و حسبى الله و نعم الوكيل فيهم
    http://tears-demo3.blogspot.com/2010/01/blog-post_20.html

    شكرا و اعتذر عن الازعاج

    ردحذف
  19. بالتوفيق في امتحاناتك ان شاء الله
    ذكرتيني بالذي مضى يالله نحن السابقون وانتم اللاحقون بكره تخلصي وتنسي كل التعب
    تحياتي

    ردحذف
  20. ما شاء الله .. ايه الأسلوب الراقي ده بس ؟ .. نمسك الخشب .. بجد تحفففففففه

    اتمنى أتشرف بزيارة حضرتك في مدونتي الجديده و أشوف تعليقك على إحدى صفحاتها

    رابط المدونه
    http://ra7alaat.blogspot.com/

    شكرا لوقتك

    ردحذف

قول اللى فى قلبك